3 აგვისტოს 15 საათზე ფლორენციაში, წმინდა ნინოს სახელობის ტაძრის დარბაზში, ჟურნალისტ ცისნამი საყვარლიშვილის წიგნის “წითელთმიანი გოგონას დღიურის” პრეზენტაცია გაიმართება.
ცისნამი წლების განმავლბაში ქ.ფლორენციაში ცხოვრობდა. იტალიიდან მისი ემიგრაციული გზა ამერიკაში გაგრძელდა.
პრეზენტაციაზე დასწრება თავისუფალია.

“წითელთმიანი გოგონას დღიური" - ასე ჰქვია წიგნს, რომელსაც ავტორი წარადგენს.
წიგნი თავს უყრის იმ ემოციებს, გამოწვევებსა თუ გამოცდილებებს, რაც საქართველოდან, სხვადასხვა ქვეყანაში წასულ ემიგრანტებს აერთიანებთ. ნოსტალგია, მონატრება, უშვილოდ ყოფნის დარდი, სამშობლოს სიყვარული, მომავლის დიდი იმედი - ყველა ეს ემოცია ,,წითელთმიანი გოგონას დღიურშია’’ გაერთიანებული და მხატვრულად გადმოცემული. მასში ბევრი მკითხველი ამოიკითხავს თავის სათქმელსა და საფიქრალს.
"წითელთმიანი გოგონას დღიური", რომელიც გამომცემლობა ,,ინტელექტმა’’ დაბეჭდა, ცისნამი საყვარლიშვილის პირველი წიგნია. წიგნში შეტანილი ჩანაწერები ძირითადად 2014-2017 წლებშია დაწერილი და აღებულია ავტორის ინტერნეტ-ბლოგებიდან, ბლოგის რამდენიმე ჩანაწერი შესულია კრებულში "ამბები საქართველოს გარეთ", წიგნში დაბეჭდილი ეპიზოდები კი - პირველად ქვეყნდება.
ცისნამი იმედოვნებს, რომ კიდევ არაერთ გამოცემას აჩუქებს მკითხველს.