პარიზში, აფეთქების შედეგად დაშავებულების რიცხვი 29-მდე გაიზარდა. CNN-ის ცნობით, ოთხი პირის მდგომარეობა კრიტიკულად მძიმეა. შემთხვევის ადგილას 270-ზე მეტი მეხანძრე-მაშველია მობილიზებული.

მაშველები ნანგრევებში ამ დრომდე ეძებენ ადამიანებს, ოფიციალური წყაროების ცნობით, დაკარგულად სულ მცირე ორი პირი ითვლება.

პარიზის პროკურორის თქმით, რომელიც აფეთქების მიზეზებს იკვლევს, ადრეული შესწავლის შედეგები მიანიშნებს, რომ აფეთქება გაზმა გამოიწვია და მოხდა შენობაში, სადაც პარიზის ამერიკული აკადემია მდებარეობს.

როგორც ადგილობრივები ამბობენ, აფეთქება საკმაოდ ძლიერი იყო: ''გავიგე დიდი აფეთქების ხმა, როდესაც რესტორნიდან გამოვდიოდი, სენ-ჟაკის ქუჩაზე დიდი ცეცხლი იყო''.

შეგახსენებთ, 21 ივნისს პარიზის ცენტრში ადგილობრივი დროით საღამოს 5 საათზე საცხოვრებელი სახლი აფეთქდა. აფეთქების სავარაუდო მიზეზად გაზი სახელდება. საცხოვრებელი კორპუსის ფასადი მთლიანად ჩამოინგრა და ძლიერი ხანძარი გაჩნდა. შემთხვევის ადგილიდან მოსახლეობის ევაკუაციაც განხორციელდა.