სომხეთში, გიუმრის პოლიციამ ანტირუსული აქციის მონაწილეები და მხარდამჭერები დააკავა. ინფორმაციას გამოცემა Trend სომხურ მედიაზე დაყრდნობით ავრცელებს. მედია წერს, რომ აქცია არასანქცირებული იყო და დემონსტრანტები რუსეთის 102-ე სამხედრო ბაზისკენ მიემართებოდნენ, რომელთან მისასვლელი გზაც მანამდე პოლიციამ ჩახერგა.

მათივე ცნობით, სამართალდამცველებმა ისინი გააფრთხილეს, რომ შეკრების თავისუფლების შესახებ კანონს არღვევდნენ და პოლიციის კანონიერი მოთხოვნების დაუმორჩილებლობის გამო დაისჯებოდნენ. რის შემდეგაც, აქციის მონაწილეების უმეტესობა პოლიციის განყოფილებაში გადაიყვანეს. 

მანამდე კი სომხეთის პოლიტიკური მოძრაობა "ეროვნულ-დემოკრატიული პოლუსის" წევრმა, ვაჰე გასპარიანმა თქვა, რომ სომხეთს შეეძლო მოეწყო რუსეთის ფედერაციის 102-ე სამხედრო ბაზის ბლოკადა: "ჩვენ მივმართავთ ჩვენს ხალხს, გადაკეტონ გიუმრის სამხედრო ბაზა. რუსული სამხედრო ბაზა შემოიფარგლება".

ინფორმაციას Twitter-ზე ავრცელებს გამოცემა Nexta-ც და წერს, რომ პოლიციამ გიუმრის რუსულ სამხედრო ბაზასთან 100-მდე დემონსტრანტი დააკავა.