„რა დაემართა კვარას?“ - ასეთი სათაურით გამოაქვეყნა დღეს წერილი ცნობილმა იტალიურმა გამოცემა Corriere Della Sera-მ, რომელიც წერს, რომ ქართველმა ფეხბურთელმა პირველ რიგში გარკვეული შიშები უნდა დაძლიოს.

„სამთვიანი პაუზა, რომელიც გამოწვეული იყო ტრავმით და მსოფლიოს ჩემპიონატის პაუზით. თუმცა, ამავე პერიოდში იყო მანქანის ქურდობა (რომელიც რამდენიმე საათში იპოვეს). ქურდები სახლში შევიდნენ და მანქანა მოიპარეს. მან მიიღო ტრავმა, რომელზეც ხმამაღლა არ საუბრობს. ამიტომაც, გადაწყვიტა საცხოვრებელი სახლის შეცვლა და პოზილიპოში გადავიდა.

შემდეგ იყო ზურგის ტკივილი, რომელიც „ლივერპულთან“ მატჩში მიიღო და მუნდიალიზე პაუზამდე ბოლო სამი თამაში გამოტოვა. შვებულების დროს ვარჯიშობდა თავის სახლში, თბილისში. ფიზიკურად კარგადაა, მაგრამ ალბათ გარკვეული შიშებისგან გათავისუფლება სჭირდება.

„ნაპოლის“ ის პურივით სჭირდება. გამარჯვება და გოლები შეიძლება შესაბამისი წამალი იყოს, სპალეტიც ცდილობს, მას ნდობა დაანახოს, მაგრამ თუ „სამპდორიას“ წინააღმდეგ საუკეთესო ფრომაში არ იქნება, შესაძლოა სათადარიგო სკამზეც გადაინაცვლოს“, - წერს გამოცემა.

შეგახსენებთ, რომ „ნაპოლი“ გენუის „სამპდორიას“ 8 იანვარს, თბილისის დროით 21:00 საათზე დაუპირისპირდება.