ბრაზილიის ნაკრების მწვრთნელობის ფავორიტად ზიდანი მიიჩნევა

ბრაზილიის ნაკრების მწვრთნელობის ფავორიტად ზიდანი მიიჩნევა

ფრანგული ავტორიტეტული გამოცემის, L’Équipe-ს ინფორმაციით, ბრაზილიის ნაკრების რამდენიმე ფეხბურთელს და სპორტულ სამყაროში მოღვაწე პირებს ,,სელესაოს" მწვრთნელად ზინედინ ზიდანის დანიშვნა სურთ.

აქამდე ზინედინ ზიდანს რამდენიმე გუნდი დაუკავშირეს, მათ შორის იყო საფრანგეთის ნაკრებიც. როდესაც ლეგენდარულ ფრანგს დაბრუნების შესახებ დაუსვეს კითხვა, მან განაცხადა, რომ მალე დაბრუნდებოდა.

ბოლო პერიოდში გავრცელდა ინფორმაცია, რომ საფრანგეთის ნაკრების მთავარი მწვრთნელის პოსტზე დიდიე დეშამი მინიმუმ ევროპის ჩემპიონატამდე მაინც დარჩება, რაც იმას ნიშნავს, რომ ზიდანს სხვა გზებიც გაეხსნება.

ბრაზილიელები უარს არ ამბობენ იმაზე, რომ ტრადიცია დაარღვიონ და ,,სელესაო" ევროპელ სპეციალისტს ჩააბარონ. ფრანგული მედიის ინფორმაციით, ზინედინ ზიდანი რამდენიმე მოქმედი და ყოფილი ფეხბურთელის ფავორიტია.

ზიდანის გარდა ბრაზილიის ნაკრებს არაერთ ცნობილ სპეციალისტს უკავშირებენ, როგორებიცაა ტომას ტუხელი, კარლო ანჩელოტი, მაურისიო პოჩეტინო და სხვები.

ზინედინ ზიდანმა ,,რეალ მადრიდი" გასული წლის ზაფხულში დატოვა. ,,სამეფო კლუბთან" ერთად მან ჩემპიონთა ლიგა ზედიზედ სამჯერ მოიგო.
307
1 წლ, 3 თ წინ