კრიშტიანუ რონალდუს სანაკრებო კარიერის დასრულება არ სურს

კრიშტიანუ რონალდუს სანაკრებო კარიერის დასრულება არ სურს

კრიშტიანუ რონალდუს სანაკრებო კარიერის დასრულება არ სურს. ამის შესახებ პორტუგალიური მედია იტყობინება.

როგორც ადგილობრივი გამოცემა Correiro da manha წერს, 37 წლის ფეხბურთელს ეროვნულ ნაკრებში დარჩენა სურს, რადგან ფიქრობს, რომ გუნდისთვის სარგებლის მოტანა ევრო 2024-ზეც შეუძლია, რომლის დაწყებამდე წელნახევარია დარჩენილი.

წყაროს თანახმად, სიტუაცია დიდწილად ფერნანდუ სანტუშის მომავალზე იქნება დამოკიდებული, რომელიც პორტუგალიის ნაკრების მთავარი მწვრთნელის თანამდებობიდან გათავისუფლებასთან ძალიან ახლოსაა.

შეგახსენებთ, კრიშტიანუ რონალდუს პორტუგალიის ნაკრებში დებიუტი 2003 წელს ჰქონდა და მას შემდეგ 196 მატჩში 118 გოლი გაიტანა. ეროვნულ გუნდში რონალდუმ 2016 წელს ევროპის ჩემპიონატი, ხოლო 2019 წელს კი ერთა ლიგა მოიგო.
637
1 წლ, 4 თ წინ