"უჭირს საუბარი, უჭირს გადაადგილება... კიდევ უარეს მდგომარეობაშია, ვიდრე წინაზე" - ამის შესახებ მესამე პრეზიდენტის მონახულების შემდეგ ენმ-ის წევრი კობა ნაყოფია მისი ჯანმრთელობის მდგომარეობასთან დაკავშირებით საუბრობს.

მე უკეთესობას მის ჯანმრთელობის მდგომარეობას ნამდვილად ვერ ვამჩნევ, რადგან მას უჭირს საუბარი, რადგან მას უჭირს გადაადგილება... დაუდგინდა, რომ არის ანთებითი პროცესი, რომელიც შესაძლოა მოდიოდეს ხერხემლისგან, როგორც ვიცი. არ ვიცი, დეტალები. ჩემი შეფასებით, რაც ვნახე, შემიძლია მხოლოდ ვთქვა, რომ დამხვდა კიდევ უარეს მდგომარეობაში, ვიდრე ის ვნახე წინა მონახულებაზე. ყველანი ველოდებით, როგორც იცით, საბოლოო მის დიაგნოზს, საექსპერტო კომისიის დასკვნას, - თქვა კობა ნაყოფიამ.

მიხეილ სააკაშვილის დედის, გიული ალასანიას თქმითაც, მესამე პრეზიდენტის ჯანმრთელობის მდგომარეობა არ შეცვლილა და მძიმეა.

"სიცხე აქვს, ისევ უჭირს სიარული, ისევ ვერ ჭამს, ეს ყველაფერი ძალაშია... ზუსტად იგივე მდგომარეობაა. რაღაცა დასაყრდენი აქვს და იმით დადის... დასკნა არის, რომ რაღაცა ანთებითი პროცესია, ძვლის ანთებაა, მაგრამ დანარჩენი, რა მიზეზით არის ეს, ამის გამო გრძელდება გამოკვლევები" - ამბობს გიული ალასანია.