უკრაინის საჰაეროს ძალების სარდლობის სპიკერის თქმით, რუსეთმა შესაძლოა G20-ის სამიტის დროს, 15-16 ნოემბერს, უკრაინაზე მასიური სარაკეტო შეტევა განახორციელოს.

იური იგნატმა უკრაინული ტელემარათონის ეთერში განაცხადა, რომ რუსეთს ძალიან უყვარს სიმბოლური თარიღები და G20-ის სამიტი სრულად აღიქმება ამ პარადიგმაში.

"G20-ის სამიტი ახლოვდება, ძალიან მოსწონთ სადღაც ასეთ დღეებში რაღაც პროვოკაციის გამართვა", - თქვა იგნატმა.

G20-ის სამიტი ინდონეზიაში, ბალიზე 15-16 ნოემბერს გაიმართება.