თბილისში დააკავეს რუსეთის მოქალაქე კაცი, რომელიც, სავარაუდოდ, ნასვამ მდგომარეობაში ქუჩაში იდგა და ქართველებს აგინებდა.

„არღვევდა საზოგადოებრივ წესრიგს და მიუხედავად პოლიციის თანამშრომლების არაერთგზის მოწოდებისა, შეეწყვიტა ზემოთ აღნიშნული ქმედება, არ დაემორჩილა პოლიციის კანონიერ ქმედებას“, - ამბობენ შსს-ში.

რუსეთის მოქალაქეს ადმინისტრაციული სამართალდარღვევათა კოდექსის 166-ე და 173-ე მუხლების დარღვევას ედავებიან.

ვიდეოში რომელიც სოციალურ მედიაში გუშინ გავრცელდა, ჩანს ახალგაზრდა კაცი, მარჯანიშვილის მოედანზე, რომელიც იმეორებს ერთსა და იმავე შეურაცხმყოფელ სიტყვებს საქართველოსა და ქართველების მისამართით.