საქართველო, აზერბაიჯანი, უნგრეთი და რუმინეთი ევროკავშირში ელექტროენერგიის მიწოდებაზე შეთანხმებას მოაწერენ ხელს. ამის შესახებ ინფორმაცია რამდენიმე მედიაში ვრცელდება.

მედიის ცნობით, საკითხთან დაკავშირებით განცხადება საქართველოს ეკონომიკის მინისტრმა ლევან დავითაშვილმა გააკეთა.

"საქართველოს, რუმინეთს, უნგრეთსა და აზერბაიჯანს შორის უახლოეს მომავალში ხელი მოეწერება შეთანხმებას, რათა ოთხივე ქვეყანამ ამ პროექტის განხორციელება შეძლოს. ეს არის რამდენიმე მილიარდი დოლარის ინვესტიცია და ის შესაძლებლობას მოგვცემს, რომ საქართველო ევროკავშირის ენერგეტიკულ სტრუქტურებს მიუერთდეს", - თქვა დავითაშვილმა.