ეს კვირა იმითაა გამორჩეული, რომ 25 ოქტომბერს, 15 საათზე, ახალმთვარეობას და მზის დაბნელებას ველოდებით მორიელის ზოდიაქოში. ამავე დღეს იხსნება დაბნელებების დერეფანი, რომელიც დასრულდება 8 ნოემბერს, სავსემთვარეობითა და მთვარის დაბნელებით. მზის დაბნელება განსაკუთრებით იმოქმედებს ჰიპერტონიკებზე, მათზე, ვისაც გულსისხლძარღვოვანი დაავადებები აწუხებთ და წინასწარ გაფრთხილდით, მიიღეთ შესაბამისი ზომები. გააუმჯობესეთ დამოკიდებულება საყვარელ ადამიანთან. ამ დღეს ნუ შეიძენთ ძვირად ღირებულ ნივთებს; ნუ დანიშნავთ გეგმურ ოპერაციას; ნუ გააფორმებთ ოფიციალურ ქორწინებას. კარგია ქველმოქმედება, ლოცვა, ზომიერება კვებაში.

24 ოქტომბერი, ესთეტიკური მთვარე სასწორშია. მოერიდეთ ნებიმიერი კოსმეტოლოგიური და ესთეტიკური პროცედურის ჩატარებას. მოუფრთხილდით თირკმელებს. შეამცირეთ ხორცეული და მარილიანი საკვები. მიიღეთ ხილი, დალიეთ მინერალური წყალი და მწვანე ჩაი.

25 ოქტომბერი, ემოციური მთვარე 11:15-ზე მორიელს ესტუმრება. გამძაფრებულია ემოციები და გრძნობები. მოერიდეთ რისხვის, ეჭვიანობის გამოვლენას. კარგია მედიტაცია, ლოცვა, ენერგეტიკული პრაქტიკები. დღეს იყავით მაქსიმალურად მშვიდი და გაწონასწორებული.

27 ოქტომბერი, 14:53-დან მთვარე მშვილდოსანში იქნება. მოსაფრთხილებელია ღვიძლი, უარი თქვით ალკოჰოლზე. ჩაცმულობაში მეტად გამოიყენეთ ლურჯი, ძოწისფერი. მოერიდეთ თეძოებთან დაკავშირებულ ნებისმიერ პროცედურას, განსაკუთრებით - ლიპოსაქციას.

27 ოქტომბერი, 17:21-ზე ასკეტური მთვარე თხის რქაში გადავა. მოიმატებს მკაცრი და კონსერვატიული დამოკიდებულება ყველაფრისადმი. ყველაფერი გეგმის მიხედვით უნდა გაკეთდეს. გაუფრთხილდით კბილებს, ძვლებს. ცუდია ნებისმიერი ჩარევა ძვლოვან სისტემაში.

წყარო: marao.ge