2022 წლის ნოემბერი განსაკუთრებით მნიშვნელოვანი დაბნელების დერეფნის კუთხითაა, რომელიც 25 ოქტომბერს მზის ნაწილობრივი დაბნელებით დაიწყება და 8 ნოემბერს მთვარის სრული დაბნელებით დასრულდება. ვინაიდან დაბნელება მორიელისა და კუროს ნიშანში ხდება, ჩვენი ქმედებები, გადაწყვეტილებები, მიღებული არჩევანი ჩვენზე ძალიან დიდხანს იმოქმედებს და დაბნელების დერეფნის შემდეგაც მოახდენს გავლენას.

მზისა და მთვარის დაბნელების გავლენა ჩვენზე სხვადასხვა გზით გამოჩნდება. მზის დაბნელება ჩვენი ცხოვრების სოციალურ სფეროს ააქტიურებს, გადავხედავთ მიზნებსა და ამოცანებს, შევცვლით ქცევის სცენარებს, გადავაფასებთ ჩვენს შინაგან დამოკიდებულებებსა და ღირებულებებს. მთვარის დაბნელება ემოციებზე, მათ შორის, არაცნობიერზე, ჩვევებსა და ჯანმრთელობაზე ახდენს გავლენას. დაბნელების პერიოდი შესანიშნავი გზაა, შეცვალოთ თქვენი ცხოვრება, დაიწყოთ ახალი ციკლი, დასახოთ ახალი მიზნები და ამოცანები.

სატურნისა და ურანის კვადრატურა დაბნელების დერეფანთან დაკავშირებულ სიტუაციებს კიდევ უფრო "ამძიმებს". კუროს ნიშანი, რომელშიც ახლა ურანია, ჩვენს მატერიალურ და სულიერ სამყაროზე ახდენს გავლენას. ურანის დესტრუქციულმა და არაპროგნოზირებადმა ენერგიამ შეიძლება ემოციური არასტაბილურობა მოგვიტანოს და კომფორტის ზონიდან გამოგვიყვანოს. თუმცა, ამავდროულად, შესაძლოა ისეთი გაბედული გადაწყვეტილებების წინაშე დაგვაყენოს, რომლისაც დიდი ხნის განმავლობაში გვეშინოდა.

თევზების ნიშანში იუპიტერი რეტროგრადულ მოძრაობას დაიწყებს, რომელიც 2022 წლის 20 დეკემბრამდე გაგრძელდება. ამ პერიოდში ბევრი მიზნისა და ქცევის შეცვლა მოგვიწევს, წინააღმდეგ შემთხვევაში, წინ ვერ წავალთ.

მზისა და მერკურის შეერთება მთვარის დაბნელების დღეს, 8 ნოემბერს, ჩვენი წინა მოქმედებებისა და გადაწყვეტილებების შედეგს გვაჩვენებს, რომელიც რეტროგრადული მერკურის პერიოდის განმავლობაში განვახორციელეთ. დაბნელების დერეფნის გავლენას ყველაზე მეტად მორიელები და კუროს ნიშნის წარმომადგენლები იგრძნობენ.

ვენერასა და მერკურის მშვილდოსნის ნიშანში გაერთიანება , რომელიც 16 და 17 ნოემბერს მოხდება, უფრო კომუნიკაბელურს გაგვხვდის, გაგვათავისუფლებს გაურკვევლობებისა და დაძაბულობისგან. ვენერა მშვილდოსნის ნიშანში ბევრად უფრო კომფორტულად გრძნობს თავს, ვიდრე მორიელში, ამიტომ ბევრ ჩვენგანს ცვლილებების სურვილი გაუჩნდება. მაგალითად, შესაძლოა მოგინდეთ გარდერობის განახლება, გარეგნობაში რაიმე დეტალის შეცვლის სურვილი და ასე შემდეგ.

ნოემბერი საკმაოდ ემოციური და დატვირთული იქნება ზოდიაქოს შემდეგი ნიშნებისთვის: მორიელი, ლომი, მერწყული და კურო. მათ განსაკუთრებით მოუწევთ, სიფხიზლე და გარკვეული საკითხების მიმართ სიმტკიცე გამოიჩინონ, ცივი გონებით იმოქმედონ და არ მიიღონ იმპულსური გადაწყვეტილებები.

19 ნოემბერს კი პლანეტა მარსის კვადრატურაა ნეპტუნთან. ამიტომაც, ასტროლოგების მთავარი რჩევაა, რომ ამ დღეს ახალი პროექტების განხორციელება არ დავიწყოთ და არც გარიგებები დავდოთ. დიდი ალბათობით, მოლოდინი არ გამართლდება.

ზოდიაქოს თითოეულ ნიშანს ნოემბერი რაღაც თავისებურს, უნიკალურსა და ინდივიდუალურს მოუტანს. მთავარია, შანსი ხელიდან არ გავუშვათ, ვიყოთ ფხიზლად და ნებისმიერ გამოწვევას შემართებით შევხვდეთ.

წყარო: beaumonde.ge