„იმატებს მგრძნობელობა და ემოციურობა“ - 17-23 ოქტომბრის სილამაზის კალენდარი ზოდიაქოს ყველა ნიშნისთვის

17 ოქტომბერი, მთვარე კირჩხიბშია. იმატებს მგრძნობელობა და ემოციურობა. დიასახლისებს საჭმელი გამოსდით განსაკუთრებით გემრიელი. სასარგებლოა პურისა და სხვა ფქვილეულის გამოცხობა. კარგია აბაზანის მიღება, კარგ შედეგს მოგიტანთ დამატენიანებელი კრემების გამოყენება. ცუდია ტყუილის თქმა. მოუფრთხილდით კუჭს, მკერდსა და საშვილოსნო ზონას.

18 ოქტომბერი, მთვარე 08:44-ზე ლომის ზოდიაქოს ესტუმრება. იმატებს შემოქმედებითი განწყობა, რაიმეს კეთების, ფლირტის სურვილი. არ გადაიღალოთ. გავუფრთხილდეთ გულს. მიირთვით კალციუმით, კალიუმითა და მაგნიუმით მდიდარი პროდუქტები. კარგია ზურგის გავარჯიშება, სუნთქვითი ვარჯიშები. ცუდია ორთქლის აბანო, სახის გაწმენდა, მარილიანი პროდუქტების ჭამა.

20 ოქტომბერი, მთვარე 20:22-ზე მთვარე ქალწულში გადავა. მოიმატებს შრომისუნარიანობა და პედანტურობა. გამოიჩინეთ ყურადღება ჯანმრთელობის მიმართ. მოსაფრთხილებელია ნაწლავები. სწორად იკვებეთ. კარგია სახლის, პირადი ნივთების დალაგება; ჯანსაღი საკვების მიღება; დღის რეჟიმის დაცვა; გამწმენდი პროცედურების ჩატარება; პილინგი; ფიტოთერაპია. ცუდია წვრილმანებზე ყურადღების გამახვილება, მუცლის ვარჯიშების შესრულება.

23 ოქტომბერი, მთვარე 05:23-დან სასწორში იქნება. ადამიანს სილამაზისა და ჰარმონიისკენ სწრაფვის სურვილი უჩნდება. მოუფრთხილდით თირკმელებს. შეამცირეთ ხორცეული და მარილიანი საკვები. მიიღეთ ხილი, დალიეთ მინერალური წყალი და მწვანე ჩაი. მოერიდეთ გარეგნობის შეცვლის რადიკალურ მეთოდებს.

წყარო: marao.ge
365
1 წლ, 5 თ წინ