ამ კვირაში მთვარე კლებადია, კომუნიკაციის მმართველი პლანეტა - მერკური რეტროგრადულია. შეიძლება გართულდეს საქმეების მოგვარება, მოლაპარაკებები; დაიძაბოს ურთიერთობა ასაკით ან თანამდებობით უფროს ადამიანებთან. გაფრთხილდით, რომ არ გახდეთ აფერისტების, ტყუილების მსხვერპლი. უმჯობესია, ეს კვირა საქმეების გადაკეთებას, დასრულებას დაუთმოთ, ვიდრე ახლების დაწყებას.

12 სექტემბერი, 10:51-ზე მთვარე ვერძშია. მოიმატებს მოძრაობის, აქტიურობის, რაიმის კეთების სურვილი. ამასთანავე, სიფრთხილე გვმართებს მჭრელ საგნებთან, აალებად ნივთიერებებთან. მოერიდეთ ტრავმებს. გაუფრთხილდით თავს.

არ გაცივდეთ, არ გაიცივოთ თავი, ცხვირ-პირი; მოერიდეთ სახეზე ოპერაციას, სილამაზის ნემსების გაკეთებას, ყურების გახვრეტასა და კბილები გეგმურ მკურნალობას.

13 სექტემბერი, 20:55-ზე მთვარე კუროში გადავა. გემრიელობის ჭამით გაგიუმჯობესდებათ განწყობა. კარგია წარბების კორექცია, პილინგი, სკრაბი, პარაფინის პროცედურები. მოერიდეთ ნებისმიერ მანიპულაციას ტუჩებზე, ყელის გაცივებას ან გადატვირთვას (თუნდაც, ხმამაღალი ლაპარაკით). პროცედურებით არ ჩაერიოთ კისრისა და ყელის ზონებში. არ მიიღოთ ცივი სასმელები და საკვები.

16 სექტემბერი, მთვარე ტყუპშია. კარგია სუფთა ჰაერზე სეირნობა. მოიმატებს ინფორმაციის გაცვლის, ურთიერთობისა და გადაადგილების სურვილი. მოუფრთხილდით ხელებს, ფილტვებს. კარგია სუნთქვითი ვარჯიში, მასაჟი, არომათერაპია. ცუდია მანიკიური, ფრჩხილების დაგრძელება, ნებისმიერი მანიპულაცია ხელებთან.

18 სექტემბერი, მთვარე 11:58-დან კირჩხიბში იქნება. იმატებს მგრძნობელობა და ემოციურობა. დიასახლისებს საჭმელი გამოსდით განსაკუთრებით გემრიელი, მაგრამ არ გადატვირთოთ კუჭი. კარგ შედეგს მოგიტანთ დამატენიანებელი კრემების გამოყენება. ცუდია კუჭის გამოკვლევა, ნებისმიერი მანიპულაცია მკერდის და საშვილოსნოს ზონასთან.

წყარო: marao.ge