2022 წლის სექტემბერში ორი მნიშვნელოვანი ასტროლოგიური მოვლენა გველის, რომლებიც ფინანსურ სექტორზეც მოახდენს გავლენას. 10 სექტემბერს თევზებში სავსე მთვარე იქნება და ფინანსური ინვესტიციებისა და ცვლილებების თვალსაზრისით მერწყულსა და ლომზე დიდ გავლენას მოახდენს. 25 სექტემბერს კი სასწორში ახალი მთვარე იქნება, რაც ქალწულსა და თევზებს დამატებით შემოსავალს მოუტანს. ასტროლოგები უფრო კონკრეტულად ასახელებენ, რომელი 4 ნიშანი იგრძნობს სექტემბერში ფინანსურ ცვლილებას:

მერწყული
სავსე მთვარე თევზებში თქვენი ოჯახის შემოსავლის სექტორში იქნება: სავარაუდოდ, მნიშვნელოვან ინვესტიციას ან მემკვიდრეობას მიიღებთ. ასევე, ამ ნიშნის ზოგიერთი წარმომადგენელი გადაწყვეტს იპოთეკას, სესხის ან ვალების დახურვას. გარდა ამისა, თქვენს პარტნიორს შესაძლოა ფინანსური თვალსაზრისით დადებითი ცვლილება ჰქონდეს, გაეზარდოს ხელფასი, ჩაერიცხოს პრემია, ბონუსი თუ სხვა.

ლომი
სავსე მთვარე თევზებში თქვენი შემოსავლის სექტორში იქნება - შესაძლოა, ხელფასი მოგიმატონ ან კიდევ შემოსავლის გზა შეცვალოთ და სხვა საქმიანობა წამოიწყოთ. ასევე, 2022 წლის სექტემბერში შესაძლოა დიდი ფინანსური საჩუქარი მიიღოთ.

ქალწული
ახალი მთვარე სასწორში შემოსავლის ახალ გზას მოგიტანთ: ასტროლოგების თქმით, გაგეზრდებათ ხელფასი ან დაიწყებთ ფულის გამომუშავებას ახალი პროექტის ფარგლებში.

თევზები
ახალი მთვარე სასწორში მოულოდნელ გრანტს მოგიტანთ, ან გადაწყვეტთ იპოთეკის ან კიდევ სესხის აღებას. გარდა ამისა, შეგიძლიათ ახალი ფინანსური ინვესტიცია განახორციელოთ, რაც სამომავლოდ აუცილებლად გამოგადგებათ.

წყარო: beaumonde.ge