მაშინ, როდესაც ზაფხულის მზე იწურება, ამინდი და ფოთლების ფერი არ არის ერთადერთი რამ, რაც იცვლება. 22 სექტემბერს აღინიშნება შემოდგომის ბუნიობა. ეს მნიშვნელოვანი თარიღია ასტროლოგიურ კალენდარში. ბუნიობის დროს დღეცა და ღამეც ერთმანეთის ტოლია - ეს წელიწადში მხოლოდ ორჯერ ხდება. ასტროლოგიური თვალსაზრისით, შემოდგომის ბუნიობა აღნიშნავს პერიოდს, როცა მზე გადადის სასწორის ნიშანში.

რას ნიშნავს ეს?

შესაძლოა, რომ ზოგიერთ ნიშანს სხვაზე მეტი იღბალი და წარმატება ჰქონდეს სასწორთან პოზიტიური ურთიერთობის გამო, სხვა ნიშნები კი ამ პერიოდს უფრო რთულად გადალახავენ.

ვერძი (21 მარტი-19 აპრილი)
ერთ-ერთი ნიშანი, რომელიც პირდაპირ ეწინააღმდეგება სასწორს, არის ვერძი. ვერძების დამახასიათებელი ნიშანი არის ის, რომ მათ ზუსტად იციან, თუ სად არიან და რა სურთ. სასწორების დამახასიათებელი ნიშანი კი არის ის, რომ ისინი მუდმივად ექიშპებიან სხვებს და ცდიან საკუთარ თავს სხვების წინააღმდეგ. აქედან გამომდინარე, მათ შორის დაძაბულობა იმატებს. ვერძისთვის საუკეთესო გზა შემოდგომის ბუნიობასთან გასამკლავებლად - თავმდაბლობაა.

კურო (20 აპრილი-20 მაისი)
სასწორის მსგავსად, კუროს მართავს ვენერა. ეს საერთო მახასიათებელი კი მათ ურთიერთობას უკეთესს ხდის. შემოდგომის ბუნიობა კუროებისთვის არის პერიოდი, რომ დაფიქრდნენ, თუ რა ხდის მათ ყოველდღიურობას პოზიტიურსა და ნაყოფიერს. ეს მათ დაეხმარებათ, რომ ყოველი შემდეგი დღე წინაზე გაცილებით უკეთესი იყოს.

ტყუპები (21 მაისი-20 ივნისი)
ტყუპები არის ჰაერის ნიშანი, ისევე, როგორც სასწორი. ამიტომაც ეს პერიოდი მათთვის ნამდვილად ნაყოფიერი იქნება. ტყუპებს ექნებათ ბევრი ენერგია, რათა ცვლილებები შეიტანონ თავიანთ ცხოვრებაში.

კირჩხიბი (21 ივნისი-22 ივლისი)
კირჩხიბი ძალიან მზრუნველი ნიშანია. მათ, საჭიროების შემთხვევაში, შეუძლიათ საკუთარი თავი გვერდზე გადადონ, რათა მათთვის საყვარელ ადამიანს დაეხმარონ. ეს საკმაოდ შრომატევადი საქმეა, რომელიც დიდ ენერგიასა და ძალისხმევას მოითხოვს. სასწორის ენერგია შემოდგომის ბუნიობის დროს დაეხმარება კირჩხიბის ნიშნებს, იპოვონ ბალანსი, განსაკუთრებით, სამსახურში.

ლომი (23 ივლისი-22 აგვისტო)
ლომის ნიშნისათვის კარგი დროა ახალი აქტივობების დასაწყებად. იმოგზაურეთ, შეეცადეთ, ისწავლოთ ბევრი ახალი რამ, რაც თქვენს ცხოვრებას უფრო ენერგიულსა და მრავალფეროვანს გახდის.

ქალწული (23 აგვისტო-22 სექტემბერი)
ქალწული არის ნიშანი, რომელიც ემორჩილება დევიზს: „თუ გინდა, რომ რაღაც სწორად გაკეთდეს, შენ თვითონ გააკეთე“. ქალწულებმა უნდა ისწავლონ მატერიალური ნივთების მიმართ კონტროლი. ეს შესანიშნავი დროა სხვა ადამიანების მიმართ ნდობის გასამყარებლად.

სასწორი (23 სექტემბერი- 22 ოქტომბერი)
სასწორებო, ფაქტობრივად, თქვენი სეზონი მოდის! ეს ნამდვილად თქვენი დროა. ამიტომ კარგად გაითავისეთ, ვინ ხართ, აგრეთვე უფრო მეტად ენდეთ საკუთარ თავს. დაისახეთ მიზნები და ყველაფერი გააკეთეთ მათ სისრულეში მოსაყვანად.

მორიელი (23 ოქტომბერი-21 ნოემბერი)
მორიელები, სხვა ნიშნებთან შედარებით, უფრო კომფორტულად არიან შემოდგომის სეზონზე. როდესაც ფოთლები ფერს იცვლის და მიწაზე ცვივა, პირდაპირი და გადატანითი მნიშვნელობით, დროა ყველაფერი ფესვებს დაუბრუნდეს. სასწორის სეზონი მორიელთათვის ერთგვარი მოსამზადებელი პერიოდია. უნდა შეძლოთ და მოიშოროთ უარყოფითი ენერგიები და ადამიანები თქვენ გარშემო, ანუ უნდა ისწავლოთ „ხელიდან გაშვების ხელოვნება“. ეს კი თქვენს ცხოვრებას უფრო ნაყოფიერსა და ჯანსაღს გახდის.

მშვილდოსანი (22 ნოემბრები - 21 დეკემბერი)
ტყუპების მსგავსად, მშვილდოსანი ცნობისმოყვარე და ენერგიული ნიშანია. თუ ამ ნიშნის ქვეშ დაბადებულებს წლის დასაწყისში ბევრი რამის გაკეთება სურდათ, ამ პერიოდში მათ უნდა გადაწყვიტონ, თუ რომელი საქმის გაკეთება იქნება მათთვის შედეგის მომტანი და უფრო მეტად პერსპექტიული.

თხის რქა (22 დეკემბერი - 19 იანვარი)
მხოლოდ იმაზე ნუ იფიქრებთ, თუ რა არის თქვენი მიზანი, იფიქრეთ აგრეთვე, თუ რატომ გაქვთ ეს მიზნები, რა შედეგსა და სარგებელს მოუტანს თქვენს ცხოვრებას. ეცადეთ, მიზნები დააკონკრეტოთ და პატარ-პატარა ნაბიჯებით იაროთ წინ.

მერწყული (19 იანვარი - 18 თებერვალი)
მერწყული ბოლო დროს თავს დაჩაგრულად გრძნობს. მათ სამსახურსა და ურთიერთობებს ერთგვარი იმედგაცრუება შემოაქვთ ცხოვრებაში. ეცადეთ, გქონდეთ ისეთი საქმიანობა, რომელიც, როგორც ფიზიკურად, ასევე, გონებრივად და სულიერად გაგზრდით. შეიტანეთ ცვლილებები თქვენს ცხოვრებაში.

თევზები (19 თებერვალი-20 მარტი)
თევზები არ არიან მზად სეზონების ცვლილებისთვის. ისინი ამ პერიოდში უნდა ეცადონ, რომ დასახულ მიზნებს არ გაექცნენ. ამ ნიშნის სიძლიერე მის ემოციურ შესაძლებლობებში მდგომარეობს. ამიტომ საუკეთესო რამ, რაც ამ პერიოდში უნდა გააკეთონ - დაალაგონ/გააუმჯობესონ ურთიერთობები მეგობრებთან, პარტნიორთან, ოჯახის წევრებთან და ა.შ.

წყარო: marao.ge