კვირის მთავარი მოვლენა სავსემთვარეობაა, რომელსაც ველოდებით 10 სექტემბერს, 13:59-ზე თევზების მე-18 გრადუსში. ამ დღეს მზე და მთვარე ერთმანეთს უპირისპირდება. ემოციები მომატებულია და ეცადეთ, არ გადავარდეთ ილუზიებში, არ გახდეთ აფერისტების მსხვერპლი. ამავე დღეს გონების მმართველი პლანეტა მერკური რეტროგრადული ხდება. ნუ გაგიკვირდებათ, თუ გახშირდება შეფერხებები, გაურკვევლობები და მაქსიმალური ყურადღება გამოავლინეთ. მერკურის რეტროგრადულობა საშუალებას გვაძლევს გადავხედოთ ჩვენს საქმეებს, ურთიერთობებს, გამოვასწოროთ, გადავაკეთოთ, შევიტანოთ კორექტივები.

5 სექტემბერი, მთვარე თხის რქაშია. მოიმატებს მკაცრი და კონსერვატიული დამოკიდებულება ყველაფრისადმი. ყველაფერი გეგმის მიხედვით უნდა გაკეთდეს. გაუფრთხილდით კბილებს, ძვლებს. კარგია პედიკიური, პილინგი; ცუდია კბილების მკურნალობა, ნებისმიერი ჩარევა ძვლოვან სისტემაში.

7 სექტემბერი, მთვარე მერწყულშია. მოგინდებათ, ხალხის მასისგან გამორჩეულად გამოიყურებოდეთ; სამოსში ორიგინალურობის გამოკვეთა. ჩაცმულობაში უპირატესობა მიანიჭეთ ელექტრიკ ფერებს, ფერთა უჩვეულო შეხამებას. კარგ შედეგს მოგიტანთ პიგმენტური ლაქების გათეთრება. კარგია იმიჯთან დაკავშირებული ექსპერიმენტები. ცუდია პლასტიკური ოპერაციები, აპარატული კოსმეტოლოგია.

9 სექტემბერი, მთვარე თევზებშია. მოგინდებათ დასვენება, სულიერი კომფორტის შეგრძნება, მედიტაცია. კარგია ორთქლის აბაზანა სახის კანისთვის, წყალმცენარეების კოსმეტიკის გამოყენება, აუზისა და აბანოს პროცედურები.
მოერიდეთ ნებისმიერ მანიპულაციას ტერფებზე. მომატებულია ალერგიულობა და მგრძნობიარობა არომატებისადმი.

წყარო: marao.ge