როგორ დავასრულოთ ზაფხული სწორად და მოვიზიდოთ იღბალი? - ასტროლოგები ზოდიაქოს თითოეული ნიშნისთვის რეკომენდაციებს აქვეყნებენ:

ვერძი
შექმენი რაღაც საკუთარი ხელით, დაკავდით სპორტით, გამოაჩინეთ ლიდერული უნარ-ჩვევები და კონკურენტულ გარემოში აუცილებლად გაიმარჯვებთ.

კურო
ზაფხულის ბოლომდე ყველაფერი გააკეთეთ, რაც გსიამოვნებთ, მორთეთ სახლი, იცეკვეთ, გამოაცხვეთ სასურველი ნამცხვარი. თუკი რაიმეს გაუმჯობესებას გადაწყვეტთ, ვარსკვლავები თქვენ მხარეს იქნებიან და ახლა ამისთვის საუკეთესო დროა!

ტყუპები
მოგზაურობის, სხვადასხვა ადამიანებთან ურთიერთობის, ახლის სწავლის, წერის გზით ზაფხულის ბოლომდე ბევრი მნიშვნელოვანი თავგადასავალი და შეხვედრა გელით. ეს ყველაფერი კი ძალიან დიდ გამოცდილებას შეგძენთ.

კირჩხიბი
შეისწავლეთ საკუთარი ფსიქოლოგია, შეეცადეთ დაეხმაროთ სხვა ადამიანებს, იზრუნოთ, როგორც შეგიძლიათ. ეს ძალიან დიდ ძალასა და ენერგიას შეგძენთ. მიმართეთ მედიტაციას, განიტვირთეთ და დრო მშობლიურ გარემოში გაატარეთ.

ლომი
ზაფხულის ბოლომდე შანსი გაქვთ, იმ მიმართულებაში, რომელიც ჰობის დონეზე გაქვთ, ძალიან დიდ წარმატებასა და აღიარებას მიაღწიოთ. ახლა ჯერი თქვენზეა, ნუ დაკარგავთ დროს და გააკეთეთ ის, რაც სულ გინდოდათ.

ქალწული
მოძებნეთ ისეთი აქტივობა, რომელიც სარგებელს მოგიტანთ არა მხოლოდ თქვენ, არამედ გარშემომყოფებსაც და როგორც ჰობი, აირჩიეთ რაიმე ისეთი საქმიანობა, რაც სილამაზესთან, დიზაინთან ან წერასთანაა დაკავშირებული. ასევე, საკუთარ ჯანმრთელობაზე ზრუნვაც ნუ დაგავიწყდებათ.

სასწორი
ახლა ახალი ადამიანების გაცნობის დროა. გააფართოვეთ საკუთარი სოციალური წრე, გაიჩინეთ ახალი მეგობრები, გააქტიურდით და უფრო თვალსაჩინო გახდით. ასე ბედნიერ დღეებს შექმნით.

მორიელი
ნუ შეგეშინდებათ სირთულეების. პირიქით, ისეთი ადამიანი გახდით, რომელიც ნებისმიერ დაბრკოლებას მთელი ძალით შეებრძოლება და სხვებისთვისაც მოტივაცია იქნება. დრო დაუთმეთ საკუთარ თავს, იფიქრეთ ახალი საქმიანობის განხორციელებაზე და წარმატებას აუცილებლად მიაღწევთ.

მშვილდოსანი
ბევრი იმოგზაურეთ, ეს თქვენთვის საუკეთესო განტვირთვა და ინსპირაციის წყაროა. დაიწყეთ უცხო ენების, ცხენოსნობის, ჩოგბურთისა და ჭადრაკის შესწავლა. ახალი უნარების განვითარებისთვის ახლა შესანიშნავი დროა.

თხის რქა
ნუ შეგეშინდებათ ლიდერის როლის მორგების. პირიქით, მართვის სადავეები აიღეთ ყველგან, სადაც კი ეს შესაძლებელია. წადით ლაშქრობაში, განიტვირთეთ და დრო საკუთარ თავსაც დაუთმეთ.

მერწყული
ნუ მოიწყენთ, ისარგებლეთ ყველა შესაძლებლობით, მონაწილეობა მიიღეთ საზოგადოებრივ ცხოვრებაში. დაინტერესდით პოლიტიკით, შეუერთდით ორგანიზაციას, რომელიც თანამოაზრეებს, საერთო იდეით გატაცებულ ადამიანებს აერთიანებს ან თავად შექმენით ასეთი საზოგადოება, მაგალითად, დაიწყეთ საკუთარი ბლოგის მართვა.

თევზები
შეეცადეთ, იპოვოთ უფრო ღრმა მნიშვნელობა ყველაფერში, გახდით თქვენს გარშემო არსებული სამყაროს მკვლევარი. დაკავდით ქველმოქმედებით, ისწავლეთ მედიტაცია, გაისეირნეთ ბუნებაში და ეს თქვენში ბევრ ახალ იდეას მოამწიფებს, რაც სამომავლოდ აუცილებლად გამოგადგებათ.

წყარო: beaumonde.ge