კვირის მნიშვნელოვანი მოვლენა ახალმთვარეობაა, რომელსაც ველოდებით 28 ივლისს ლომის ზოდიაქოში, 21:54. ეს არის ახალი საქმეების დაწყების პერიოდი, მაგრამ მაქსიმალურად დაკვირვებული იყავით, წინა დღეს, 28-ში, მარსი და მერკური უპირისპირდებიან ერთმანეთს. ფრთხილად საჭესთან, კომუნიკაციასთან; შეკამათებას ხელჩართულ ბრძოლაში ნუ გადაზრდით. მომდევნო დღეს კი რამდენიმე დაძაბული ასპექტი გველის. იყავით ფრთხილად ელექტრონივთებთან მუშაობისას. მომატებულია ავარიულობა, შეფერხება, სირთულეები. მოერიდეთ ურთიერთობის დაძაბვას ასაკით, თანამდებობით უფროს ადამიანებთან. ახალმთვარეობაზე კარგია სურვილის ჩაფიქრება, სამომავლო მიზნების დაწერა.

25 ივლისი, მთვარე 21:54-ში კირჩხიბში გადავა, მანამდე ტყუპში იქნება:

მთვარე ტყუპში
კარგია სუფთა ჰაერზე სეირნობა. მოიმატებს ინფორმაციის გაცვლის, ურთიერთობისა და გადაადგილების სურვილი. მოუფრთხილდით ხელებს, ფილტვებს.
კარგია სუნთქვითი ვარჯიში, მასაჟი, არომათერაპია. შეგიძლიათ გაიკეთოთ პირსინგი, ტატუ.
ცუდია მანიკიური, ფრჩხილების დაგრძელება, ნებისმიერი მანიპულაცია ხელებთან.


მთვარე კირჩხიბში
იმატებს მგრძნობელობა და ემოციურობა. დიასახლისებს საჭმელი გამოსდით განსაკუთრებით გემრიელი. სასარგებლოა პურისა და სხვა ფქვილეულის გამოცხობა. არ გადატვირთოთ კუჭი.

კარგია აბაზანის მიღება, კარგ შედეგს მოგიტანთ დამატენიანებელი კრემების გამოყენება. შეგიძლიათ გაიკეთოთ პირსინგი, ტატუ.
ცუდია კუჭის გამოკვლევა, ნებისმიერი მანიპულაცია მკერდის და საშვილოსნოს ზონასთან, ტყუილის თქმა.

28 ივლისი, მთვარე 10:35-დან იქნება ლომში. მოიმატებს შემოქმედებითი განწყობა, რაიმეს კეთების, ფლირტის სურვილი. გავუფრთხილდეთ გულს. არ გადაიღალოთ. მიირთვით კალციუმით, კალიუმითა და მაგნიუმით მდიდარი პროდუქტები.

კარგია ზურგის გავარჯიშება, სუნთქვითი ვარჯიშები, თმის შეჭრა, თუ გსურთ, თმამ დიდხანს შეინარჩუნოს ფორმა.
ცუდია ყურების გახვრეტა, ორთქლის აბანო, სახის გაწმენდა, მარილიანი პროდუქტების ჭამა.

30 ივლისი, მთვარე 22:09 ქალწულს ესტუმრება. მოიმატებს შრომისუნარიანობა. მეტად გამოიჩენთ ყურადღებას ჯანმრთელობის მიმართ. მოსაფრთხილებელია ნაწლავები. ეცადეთ, სწორად იკვებოთ. კარგია სახლის, პირადი ნივთების დალაგება, ჯანსაღი საკვების მიღება, დღის რეჟიმის დაცვა, გამწმენდი პროცედურების ჩატარება, პილინგი, ფიტოთერაპია.

ცუდია მუცლის პლასტიკა, მუცლის ღრუში ქირურგიული ჩარევა, წვრილმანებზე ყურადღების გამახვილება, მუცლის ვარჯიშების შესრულება.

წყარო: marao.ge