18-24 ივლისის "მარაოს" სილამაზის კალენდარი ზოდიაქოს ყველა ნიშნისთვის

საინტერესო მოვლენებით დატვირთული კვირა გველოდება: 18 ივლისს სილამაზისა და სიყვარულის პლანეტა ვენერა გადავა კირჩხიბში. ურთიერთობაში მოიმატებს ჭირვეულობა, ბუტიაობა, მგრძნობელობა. მოგინდებათ მეტი დროის გატარება შინ, ოჯახის წევრების გვერდით, შინაურული წვეულებების მოწყობა.

სანამ ვენერა კირჩხიბშია, კარგი პერიოდია ოჯახის შესაქმნელად.

22 ივლისს კი მზე გადავა თავის ნიშანში - ლომში. მოიმატებს თვითრეალიზების, შემოქმედებითი იდეების განხორციელების სურვილი. ადამიანებში მოიმატებს ოპტიმისტური განწყობა, მხიარულებისა და გართობის, აგრეთვე, ლიდერობისთვის ბრძოლის სურვილი. გამონახეთ დრო შემოქმედებისთვის, მოსინჯეთ თქვენი თავი კულტურის სხვადასხვა საქმიანობაში. გაერთეთ და იმხიარულეთ
ბავშვებთან ერთად. მიეცით საკუთარ თავს სილაღის, გართობის, რომანტიკულის, სიყვარულის გამოხატვის უფლება. არ გირჩევთ ეგოისტობას, ძალაუფლების ბოროტად გამოყენებას.

18 ივლისი, მთვარე 15:24-ზე გადავა ვერძში. მოიმატებს მოძრაობის, აქტიურობის, რამის კეთების სურვილი. ამასთანავე, სიფრთხილე გვმართებს და განსაკუთრებით, მჭრელ საგნებთან, აალებად ნივთიერებებთან. მოერიდეთ ტრავმებს. კარგია სპორტი, ცურვა, ნებისმიერი აქტიურობა. გაუფრთხილდით თავს.

კარგია თმის ნიღბის, თავის მასაჟის გაკეთება, სახისა და კანის სასარგებლო ბალახეულის ყინულით გაწმენდა.
არ გაიციოთ თავი, ცხვირ-პირი, მოერიდეთ სახეზე ოპერაციას, სილამაზის ნემსების გაკეთებას, ყურების გახვრეტასა და კბილების გეგმურ მკურნალობას.

20 ივლისი, მთვარე კუროს ესტუმრება 22:27-ზე. კარგი დღეა კოსმეტოლოგთან ჩასაწერად, თავისა და სახის კანის კვებისთვის, თმის შეღებვა. გემრიელობის ჭამით გაგიუმჯობესდებათ განწყობა. სასარგებლოა - თევზი და ზღვის პროდუქტები.

კარგია მკვებავი ნიღბების გაკეთება, წარბების კორექცია, პილინგი, სკრაბი.
მოერიდეთ ნებისმიერ მანიპულაციას ტუჩებზე, ყელის გაცივებას ან გადატვირთვას (თუნდაც, ხმამაღალი ლაპარაკით). პროცედურებით არ ჩაერიოთ კისრისა და ყელის ზონებში. არ მიიღოთ ცივი სასმელები და საკვები.

22 ივლისი, მთვარე 09:12-დან იქნება ტყუპში. კარგია სუფთა ჰაერზე სეირნობა. მოიმატებს ინფორმაციის გაცვლის, ურთიერთობისა და გადაადგილების სურვილი. მოუფრთხილდით ხელებს, ფილტვებს.

კარგია სუნთქვითი ვარჯიში, მასაჟი, არომათერაპია. შეგიძლიათ გაიკეთოთ პირსინგი, ტატუ. ცუდია მანიკიური, ფრჩხილების დაგრძელება, ნებისმიერი მანიპულაცია ხელებთან.

წყარო: marao.ge
787
1 წლ, 11 თ წინ