"ცეცხლის შეწყვეტის შეთანხმება არ ნიშნავს იმას, რომ ცეცხლი შეწყდება, არც იმას, რომ რუსები დარჩებიან იმ ტერიტორიაზე, სადაც ახლა დგანან და არსებული ვითარება გაყინული კონფლიქტის სახეს მიიღებს. უკრაინა ამაზე თანახმა არ არის და ამას ხელს არ მოაწერს. როდესაც პრეზიდენტი გავხდი მინსკი 1-სა და მინსკი-2 ორის შეთანხმებები არსებობდა, ამ შეთანხმების კატეგორიულად წინააღმდეგი ვარ და მსგავსი დოკუმენტები არ გვექნება. ამასთან მინსკის შეთანხმებიდან ჩვენ არ გავსულვართ. 24 თებერვალს რუსულმა მხარემ შეთანხმების დატოვებაზე და სამხედრო ოპერაციის დაწყებაზე საჯაროდ განაცხადა. ყველამ კარგად იცის რომ ეს სამხედრო ოპერაცია კი არა ომი და ფართო მასშტაბური შემოჭრაა. უკრაინა მსგავს დიპლომატიურ ჭაობს ხელს არ მოაწერს", - თქვა ზელენსკიმ.

ცნობისთვის, უკრაინაში ამ წუთებშიც მძიმე ბრძოლები მიმდინარეობს მარიუპოლში, აზოვსტალის ქარხანაზე, რომელსაც თავს მშვიდობიანი მოსახლეობა, მათ შორის ბავშვებიც აფარებენ.