ვერძი
მარტოხელებისთვის: რომანტიკული განწყობა კარგია, მაგრამ რეალურად შეაფასეთ თქვენი თავი, სიტუაცია. თუ ადამიანი არ გირეკავთ, არ გწერთ, ე.ი. მისთვის საინტერესო არ ხართ. დიდი ბედნიერების პლანეტა იუპიტერი 10 მაისს თქვენს ნიშანში გადმოვა და სასიხარულო დღეები იმატებს.

რჩევა: მაისი ანალიზისთვის უფრო გამოდგება, ვიდრე რომანტიკისთვის. გონივრული სვლები გააკეთეთ.

დაწყვილებულებისთვის: მოფერებით და ტკბილი სიტყვით უფრო მეტს მიაღწევთ, ვიდრე კამათით და საქმეების გარჩევით. 10 მაისიდან 3 ივნისის ჩათვლით არ ეკამათოთ ახლობლებს.

რჩევა: მეტად გამოავლინეთ იუმორის გრძნობა. უყურეთ კომედიებს, იუმორისტულ გადაცემებს.

კურო
მარტოხელებისთვის: თქვენი დრო დგება. გარშემო მყოფები თქვენს სურვილებს უსიტყვოდ აასრულებენ. კარგი იქნება, თუ იზრუნებთ საკუთარი თავის გაუმჯობესებაზე.

რჩევა: მიიპატიჟეთ დაბადების დღეზე ბიჭი, რომელიც დიდი ხანია მოგწონთ.

დაწყვილებულებისთვის: მოულოდნელობების პლანეტა ურანი თქვენს ნიშანშია და სიურპრიზებით აღსავსე თვე გელოდებათ. მთავარია, საყვარელ ადამიანთან არ იჩხუბოთ.

რჩევა: მოაწყვეთ რომანტიკული უქმეები, პიკნიკი მეგობრებთან ერთად. გადაიღეთ ფოტოები და ვიდეოები.

ტყუპი
მარტოხელებისთვის: მოგინდებათ განმარტოება, სიშვიდე. კარგი იქნება შინ ჯდომა, მედიტაცია, თვითანალიზი, დაესწარით ონლაინლექციებს ფსიქოლოგიაზე, არტთერაპიაზე. ამასთან, მოერიდეთ ფარული რომანტიკული ურთიერთობის გაბმას.

რჩევა: გადააადგილეთ ავეჯი, მოიცილეთ უსარგებლო ნივთები.

დაწყვილებულებისთვის: ნუ განაწყენდებით, თუ საყვარელი ადამიანი ვერ გამოიცნობს, რა გსურდათ. ნუ ჩაიგუბებთ პირში წყალს, თქვით რა მოგწონთ და რა არ მოგწონთ.

რჩევა: იყავით რომანტიკული, საყვარელ ადამიანთან ერთად ყველასგან მალულად გაემგზავრეთ მშვიდ, ჰარმონიულ გარემოში.

კირჩხიბი
მარტოხელებისთვის: მოგინდებათ იმიჯის შეცვლა, წვეულებებზე დასწრება და ვარსკვლავივით გაბრწყინება. მაისში სტატუსს: "თავისუფალია", შეცვლით სტატუსით: "ურთიერთობაშია".

რჩევა: დატკბით რომანტიკული პაემნებით, თბილი და ტკბილი შეხვედრებით.

დაწყვილებულებისთვის: რომანტიკული თვე გელოდებათ. უნდა იზრუნოთ ურთიერთობის გაუმჯობესებაზე.

რჩევა: გაფრთხილდით 16 მაისს, მთვარის დაბნელება გველოდება მორიელის ნიშანში და გაფრთხილდით.


ლომი
მარტოხელებისთვის: საინტერესო ადამიანს გაიცნობთ. უსიამოვნო სიტუაციაც კი შეიძლება რომანტიკულ ნაცნობობაში გადაიზარდოს.

რჩევა: არ უთხრათ გარშემო მყოფებს დახმარებაზე უარი. სამყარო ორმაგად გადაგიხდით სიკეთეს.

დაწყვილებულებისთვის: საყვარელ ადამიანს მხოლოდ სიყვარული უნდა დაუმტკიცოთ: ქმედებით, მზრუნველობით, საჩუქრებით. ხშირად უთხარით, რომ მისით ამაყობთ.

რჩევა: საყვარელ ადამიანთან ერთად ხშირად გამოჩნდით საზოგადოებაში, გადაიღეთ რომანტიკული ფოტოები.


ქალწული
მარტოხელებისთვის: საყვარელი საქმიანობის - წესრიგის დამყარების დრო დაგიდგათ. მოაწესრიგეთ საქმეები, ნივთები და პირადი ურთიერთობები. მოიცილეთ არაფრისმომცემი კავშირები.

რჩევა: საუკეთესო დროა ძველის მოსაცილებლად, რათა ადგილი გაუთავისუფლოთ ახალს. აგრეთვე, გამოასწორეთ დაშვებული შეცდომები.

დაწყვილებულებისთვის: გამონახეთ დრო, რომ საყვარელი ადამიანის გვერდით გაატაროთ. მოიწყვეთ რომანტიკული უქმეები, გაისეირნეთ ბუნებაში.

რჩევა: დაიწყეთ ზრუნვა ჯანმრთელობაზე; ერთად ივარჯიშეთ, დაიცავით დიეტა.


სასწორი
მარტოხელებისთვის: მაისში ხშირად გაიცნობთ სასიამოვნო ადამიანს, რომელთანაც რომანტიკულ ურთიერთობას გააბამთ, მაგრამ მიაქციეთ ყურადღება მეგობარს, რომელმაც ყველაფერი იცის თქვენზე. იქნებ სწორედ ისაა, ვისაც ამდენ ხანს ეძებდით.

რჩევა: 16 მაისს არაფერი მნიშვნელოვანი არ მოიმოქმედოთ. განსაკუთრებით - სასიყვარულო სფეროში. უკეთეს დროს დაელოდეთ.

დაწყვილებულებისთვის: ენერგიის მომატებას იგრძნობთ, რაც დაგეხმარებათ კარიერაშიც მიაღწიოთ წარმატებას და სასიყვარულო პარტნიორთან ურთიერთობაც გააუმჯობესოთ.

რჩევა: უმნიშვნელო უსიამოვნებაც კი არ დატოვოთ უყურადღებოდ, ყველაფერი ჩახუტებით და კოცნით მოაგვარეთ.


მორიელი
მარტოხელებისთვის: მაისში რომანტიკულ განწყობაზე დადგებით. შეხვდით საინტერესო ადამიანებს, გადაიღეთ რომანტიკული ფოტოები. გული გიკარნახებთ, ვინ უნდა დაიტოვოთ გვერდით და ვის - დაემშვიდობოთ.

რჩევა: დააბანდეთ ფული გარეგნობაში, სამოსში. იყავით მეტად მიმზიდველი მამაკაცებისთვის.

დაწყვილებულებისთვის: საყვარელ ადამიანთან ერთად გუნდურობა უნდა ისწავლოთ და ერთად გაუმკლავდეთ უსიმოვნებებს.

რჩევა: ხანდახან საყვარელ ადამიანსაც უნდა მოანატროთ თავი. შეხვდით მეგობრებს, დაესწარით კულტურულ ღონისძიებებს.


მშვილდოსანი
მარტოხელებისთვის: მაისში დაწყებული ურთიერთობა დღითი დღე უფრო საიმედო და რომანტიკული გახდება. ზოგიერთმა კი შეიძლება რომანი კოლეგასთან გააბათ და ერთად გრანდიოზული პროექტები განახორციელოთ.

რჩევა: ცოტა დასვენებაზეც იფიქრეთ. თუ მთელ დღეებს სამსახურში გაატარებთ, ბუნებაში გასეირნებისთვის ვერ მოიცლით.

დაწყვილებულებისთვის: მოერიდეთ უსაფუძვლო ეჭვიანობას. ნუ გამართავთ დრამატულ სცენებს. უმჯობესია, თავისუფალი დრო განვითარებას, მეგობრებთან ერთად გართობას დაუთმოთ.

რჩევა: გირჩევთ, რამდენიმე დღე გამოითავისუფლოთ და რომანტიკულ გარემოში გაატაროთ საყვარელ ადამიანთან ერთად.


თხის რქა
მარტოხელებისთვის: მიუხედავად იმისა, რომ რომანტიკულობა არ გახასიათებთ, მაისში თავით გადავარდებით სასიყვარულო ისტორიებში.

რჩევა: ჩაიცვით მაღალქუსლიანი ფეხსაცმელი, კაბა, გაიკეთეთ მსუბუქი მაკიაჟი.

დაწყვილებულებისთვის: ორიგინალურობა მოგინდებათ და შეიძლება საყვარელი ადამიანის სახელი დაიხატოთ სხეულზე ან პირსინგი გაიკეთოთ, ან ერთად გადმოხტეთ პარაშუტით.

რჩევა: ერთადერთი რჩევაა, მოერიდეთ რუტინას. იყავით ემოციური, მზად სასიამოვნო სიახლეებისთვის.


მერწყული
მარტოხელებისთვის: გათავისუფლდით მავნე ჩვევებისგან. ეს შეიძლება ღამე ჭამაც იყოს, ფრჩხილების კვნეტაც და ყოფილისთვის ღამით შეტყობინებების გაგზავნაც. დაიწყეთ ვარჯიში, იკვებეთ ჯანსაღად და გაიცანით საინტერესო ადამიანები.

რჩევა: თვის ბოლოსკენ სიზარმაცე შემოგიტევთ და უმჯობესია, დასასვენებლად გაემგზავროთ, ძალები აღიდგინოთ.

დაწყვილებულებისთვის: არ იჩხუბოთ, ყველა მნიშვნელოვანი საკითხი მშვიდობიანად მოაგვარეთ.

რჩევა: იყავით საინტერესო საყვარელი ადამიანისთვის. გამოიწვიეთ უჩვეულო რომანტიკული საღამოების მოწყობის კონკურსში.

თევზები
მარტოხელებისთვის: ნუ ხართ შინ გამოკეტილი, იარეთ საინტერესო ადგილებში, დაელაპარაკეთ უცნობებს. საინტერესო ადამიანს ნებისმიერ ადგილას შეიძლება შეხვდეთ.

რჩევა: ცხოვრებას გაიმრავალფეროვნებთ და გაერთობით. ეს გაცილებით ეფექტურია, ვიდრე იდეალურ პრინცზე ოცნება.

დაწყვილებულებისთვის: მოუწყვეთ საყვარელ ადამიანს რომანტიკული სიურპრიზები, ერთად გაემგზავრეთ უქმეებზე ქალაქგარეთ. გამოავლინეთ თქვენი კულინარიული ნიჭი. აი, კონფლიქტებს კი უნდა მოერიდოთ.

რჩევა: ყურადღებით მოუსმინეთ, რას ამბობს თქვენი საყვარელი ადამიანი, რა სურვილები აქვს, მისწრაფებები.

წყარო: marao.ge