კვირის მნიშვნელოვანი მოვლენა ახალმთვარეობა და მზის დაბნელებაა, რომელსაც პირველ მაისს ველოდებით. 30 აპრილამდე დაასრულეთ ყველა საქმე, მოიცილეთ უსარგებლო ნივთები, გაწყვიტეთ კავშირები ეგოისტ, დესპოტ ადამიანებთან. კარგი იქნება, თუ ახალმთვარეობაზე, რომელიც პირველ მაისს, 00:28-ზე დადგება, ჩამოწერეთ სამომავლო მიზნები, სურვილები. იყავით მშვიდი, რომანტიკული, მზად სიახლეებისთვის. მზე ახლა კუროშია, ახალმთვარეობაც კუროში გველოდება და კუროებო, მაქსიმალურად მოინდომეთ ცხოვრების უკეთესობისკენ შეცვლა. 30-ში სილამაზის, სიყვარულისა და ფულის პლანეტა ვენერა უერთდება დიდი ბედნიერების პლანეტა იუპიტერს და დააკვირდით, რა მოხდება თქვენს ცხოვრებაში.

ამასთან, თავადაც
გააქტიურდით, რომ უკეთესობისკენ შეიცვალოთ ცხოვრება. ვენერა-იუპიტერისას შეიძლება მიიღოთ ძვირფასი საჩუქრები, მატერიალური ჯილდო, მოიმატებს რომანტიკული ნაცნობობა. კვირის კიდევ ერთი საინტერესო დღეა 27 აპრილი, ვენერა უერთდება ნეპტუნს, ილუზიების პლანეტას. ამ შეერთებამ შეიძლება მოგიტანოთ რომანტიკული ნაცნობობა, შემოქმედებითი იდეების განხორციელება. ამასთან, გაფრთხილდით, რომ არ გახდეთ ალფონსების, ტყუილების მსხვერპლი; არ გაეხვიოთ სასიყვარულო ან ფულად აფერაში.

25 აპრილი, მთვარე 14:17-დან თევზებშია. მოგინდებათ დასვენება, სულიერი კომფორტის შეგრძნება, მედიტაცია.

კარგია - ორთქლის აბაზანა სახის კანისთვის, წყალმცენარეების კოსმეტიკის გამოყენება, აუზისა და აბანოს პროცედურები.
ცუდია - ნებისმიერი მანიპულაცია ტერფებზე. მომატებულია ალერგიულობა და მგრძნობიარობა არომატებისადმი.

27 აპრილი, მთვარე 20:13-ზე ვერძში გადავა. მოიმატებს მოძრაობის, აქტიურობის, რამეს კეთების სურვილი. ამასთანავე, სიფრთხილე გვმართებს და განსაკუთრებით, მჭრელ საგნებთან. მოერიდეთ ტრავმებს. კარგია სპორტი, ცურვა, ნებისმიერი აქტიურობა. გაუფრთხილდით თავს.

კარგია - თმის ნიღბის, თავის მასაჟის გაკეთება, სახისა და კანის სასარგებლო ბალახეულის ყინულით გაწმენდა.
ცუდია - არ გაცივდეთ, არ გაიცივოთ თავი, ცხვირ-პირი, მოერიდეთ სახეზე ოპერაციას, სილამაზის ნემსების გაკეთებას, ყურების გახვრეტასა და კბილები გეგმურ მკურნალობას.

29 აპრილი, მთვარე 04:19-ზე კუროს ესტუმრება. ხვალ ახალმთვარეობა გველის და მოერიდეთ სილამაზის პროცედურების ჩატარებას.

გემრიელობის ჭამით გაგიუმჯობესდებათ განწყობა. სასარგებლოა - თევზი და ზღვის პროდუქტები. მოერიდეთ ნებისმიერ მანიპულაციას ტუჩებზე, ყელის გაცივებას ან გადატვირთვას (თუნდაც, ხმამაღალი ლაპარაკით) პროცედურებით არ ჩაერიოთ კისრისა და ყელის ზონებში. არ მიიღოთ ცივი სასმელები და საკვები.

წყარო: marao.ge