ვერძი
მოერიდეთ ურთიერთობის დაძაბვას საყვარელ ადამიანებთან, საქმიან პარტნიორებთან. მიზეზი შეიძლება გახდეს თქვენი კრიტიკული შენიშვნა. იყავით მეტად დიპლომატიური. უქმეებზე გამონახეთ დრო საყიდლებისთვის და შეიძინეთ ლამაზი ნივთები საკუთარი თავისთვის, ოჯახისთვის.

კურო
კუროებო, გილოცავთ, მზე თქვენს ნიშანში გადმოდის, თქვენი დრო დგება და უნდა გააქტიურდეთ. იყავით მზად ურთიერთობების, საქმეების გასაუმჯობესებლად. თუმცა, გირჩევთ, ყველა ახალი საქმე ახალმთვარეობის შემდეგ დაიწყოთ.

ტყუპი
არ დაძაბოთ დამოკიდებულება საყვარელ ადამიანთან და მით უმეტეს არ დაშორდეთ მას. ზოგიერთს მოგინდებათ ფარული რომანის დაწყება. გამონახეთ მეტი დრო შემოქმედებითი
საქმიანობისთვის.

კირჩხიბი
გახშირდება მეგობრებთან და ნათესავებთან შეხვედრები, წვეულებებზე დასწრების სურვილი. იყავით აქტიური. გაგიჩნდებათ ახალი იდეები, ჩამოწერეთ, რომ უკეთეს დროს განახორციელოთ. უქმეები ახლობლებთან ერთად ქალაქგარეთ გაატარეთ.

ლომი
მეტი უნდა მოინდომოთ, სასურველის მისაღებად უნდა გააქტიურდეთ. გაგიჩნდებათ ინტერესი უცხო ენების, კულტურისადმი, მოგინდებათ საზღვარგარეთ გამგზავრება. უქმეები ოჯახის წევრებთან ერთად გაატარეთ, მოაწყვეთ დღესასწაული.

ქალწული
დაგჭირდებათ დამატებითი ფინანსები წვეულების მოსაწყობად, მგზავრობისთვის. მოერიდეთ ურთიერთობის გართულებას გარშემო მყოფებთან. კვირის ბოლოს დაფიქრდით, რისგან უნდა გათავისუფლდეთ.

სასწორი
უამრავი წვრილ-წვრილი ვალდებულება გექნებათ მოსაგვარებელი და იყავით დაკვირვებული, რომ არაფერი გამოგრჩეთ. იზრუნეთ ჯანმრთელობის გაუმჯობესებაზე. უქმეებზე შეკრიბეთ ოჯახის წევრები.

მორიელი
ყურადღება მიაქციეთ დაწყებულ და მიტოვებულ საქმეებს. მოერიდეთ ურთიერთობების დაძაბვას გარშემო მყოფებთან. განსაკუთრებით ოჯახის წევრებთან. უქმეები ქალაქგარეთ, საყვარელი ადამიანების გვერდით გაატარეთ.

მშვილდოსანი
საქმიანი შეხვედრები დიპლომატიურად წარმართეთ. ყურადღებით მოუსმინეთ ოპონენტებს. მეტი დრო დაუთმეთ საყოფაცხოვრებო საკითხების მოგვარებას. კარგი იქნება, თუ განაახლებთ ინტერიერს, დეკორს.

თხის რქა
დრო ისე გადაანაწილეთ, რომ დასვენებაც მოახერხოთ, ახლობლებზე ზრუნვაც და არც სამსახურის ვალდებულებები დაგრჩეთ უყურადღებოდ. გაგიუმჯობესდებათ დამოკიდებულება საყვარელ ადამიანთან, ნათესავებთან.

მერწყული
საინტერესო ნაცნობობა გელოდებათ სხვადასხვა გარემოში. კარგი პერიოდია რომანტიკული ურთიერთობის დასაწყებად. უქმეები ახლობლების გვერდით გაატარეთ, გაანებივრეთ ისინი მზრუნველობით.

თევზები
მეტი დრო დაუთმეთ ფინანსური საკითხების მოგვარებას. ფული შეიძლება დაგჭირდეთ ძვირად ღირებული ნივთების საყიდლად ან რემონტისთვის. თავისუფალი დრო ბავშვებთან ერთად გაატარეთ; უქმეები - ქალაქგარეთ.

წყარო: marao.ge