12 აპრილი ჯადოსნური დღეა, როცა ნატვრა ახდება, შემოქმედებითი იდეები განხორციელდება. მიიღებთ საინტერესო შემოთავაზებას, საჩუქრებს. ამასთან გაფრთხილდით, რომ არავინ მოგატყუოთ. გაფრთხილდით წყალთანაც, საყოფაცხოვრებო ქიმიასთან. 16 აპრილს სავსემთვარეობას ველოდებით სასწორში. ემოციურობა გველოდება პლუს-მინუს 2 დღე. ამიტომ ვართ მშვიდად, არანაირი სილამაზის პროცედურები სავსემთვარეობის დღეებში არ დანიშნოთ. მოერიდეთ ურთიერთობების დაძაბვას სასიყვარულო და საქმიან პარტნიორებთან.

11 აპრილი, არტისტული მთვარე ლომშია. მოიმატებს შემოქმედებითი განწყობა, რაიმეს კეთების სურვილი. გავუფრთხილდეთ გულს. არ გადაიღალოთ. მოიმატებს ფლირტის სურვილი. მიირთვით კალციუმით, კალიუმითა და მაგნიუმით მდიდარი პროდუქტები.

კარგია - ზურგის გავარჯიშება, სუნთქვითი ვარჯიშები. ფუტკრის ნაწარმზე დამზადებული კრემების გამოყენება (თუ ალერგია არ გაქვთ). თმის შეჭრა, რომ მოცულობასა და სიგრძეში სწრაფად გაიზარდოს.
ცუდია - ყურების გახვრეტა, ორთქლის აბანო, სახის გაწმენდა. მარილიანი პროდუქების ჭამა.

12 აპრილი, მთვარე 18:03-ზე პედანტურ ქალწულში გადავა. მოიმატებს შრომისუნარიანობა. მეტად გამოიჩენთ ყურადღებას ჯანმრთელობის მიმართ. მოსაფრთხილებლია ნაწლავები. ეცადეთ, სწორად იკვებოთ.

კარგია სახლის, პირადი ნივთების დალაგება. ჯანსაღი საკვების მიღება. დღის რეჟიმის დაცვა, გამწმენდი პროცედურების ჩატარება, პილინგი, ფიტოთერაპია.
ცუდია - მუცლის პლასტიკა, მუცლის ღრუში ქირურგიული ჩარევა. წვრილმანებზე ყურადღების გამახვილება. მუცლის ვარჯიშების შესრულება.

15 აპრილი, ესთეტიკური მთვარე სასწორშია. ქალს სილამაზისა და ჰარმონიისკენ სწრაფვის სურვილი უჩნდება. მოუფრთხილდით თირკმლებს. შეამცირეთ ხორცეული და მარილიანი საკვები.

მიიღეთ ხილი, დალიეთ მინერალური წყალი და მწვანე ჩაი.
მოერიდეთ გარეგნობის შეცვლის რადიკალურ მეთოდებს.

17 აპრილი, ემოციური მთვარე 04-22-დან მორიელში იქნება. გამძაფრებულია ემოციები და გრძნობები. მოერიდეთ რისხვის, ეჭვიანობის გამოვლენას. კარგია მედიტაცია, ლოცვა, ენერგეტიკული პრაქტიკები.

პლუსი - კონტრასტული შხაპი, სულიერი პრაქტიკები, კანის გაახალგაზრდავება.
არ ჩაერიოთ ენდოკრინული და საშარდე სისტემის მუშაობაში. არ ესტუმროთ გინეკოლოგს.

წყარო: marao.ge