თითოეული ადამიანის ცხოვრებაში დგება გარდამტეხი მომენტი. ასტროლოგები ასახელებენ იმ წლებს, როცა შესაძლოა გარკვეული სირთულეები შეგხვდეთ, თუმცა, მთავარია პრობლემას მედგრად დახვეთ და ყველაფრის დაძლევა შესაძლებელია:

ვერძი
შეუპოვარ ვერძს 19, 35 და 66 წლის ასაკში თვითკონტროლის დაკარგვის რისკი ემუქრება. თქვენთვის მნიშვნელოვანი დროის ამ მონაკვეთებში აუცილებელია შეინარჩუნოთ კრიტიკული აღქმა და ემოციური მოქნილობა, მაშინ ყველაფერი თქვენს სასარგებლოდ წარიმართება. 45 წლის შემდეგ ტიპიური ვერძი ცხოვრების ახალ ეტაპს დაიწყებს და ყველა წარსული დაბრკოლება და მწუხარება უკან დარჩება.

კურო
შორსმჭვრეტელი და პასუხისმგებლიანი კუროსთვის პრაქტიკულად არ არსებობს "საბედისწერო ეტაპები". ერთადერთი, რაც გასათვალისწინებელია, არის ის, რომ თქვენ არ შეგიძლიათ უარი თქვათ გარკვეულ ცვლილებებზე 21, 27 და 38 წლის ასაკში. სიახლისა და უცნობის ირაციონალურმა შიშმა შეიძლება კურო მოატყუოს, ამიტომ ნუ შეგეშინდებათ ახალი თავგადასავლების და დაუთმეთ თქვენი ცხოვრება საინტერესო აღმოჩენებს.

ტყუპები
20 წლის ასაკში ბევრ ტყუპს გარკვეული სირთულეები შეხვდება – ამ დროს ბედი თქვენს გამოცდას იწყებს, ცდუნებისკენ გიბიძგებთ. მაგრამ, არ ინერვიულოთ, დანარჩენი მრგვალი თარიღები სულიერ პროგრესსა და მატერიალურ პერსპექტივებს გპირდებათ.

კირჩხიბი
ოცნებები და იმედები, როგორც წესი, განუხორციელებელია - აი, რა დატანჯავს ტიპურ კირჩხიბებს 31 წლამდე. არ უნდა იდარდოთ, უკვე 35 წლის ასაკში საკმაოდ ხელშესახები პერსპექტივები გამოჩნდება თქვენი ცხოვრების ჰორიზონტზე. მთავარია, 40 წლამდე სასოწარკვეთილებაში არ ჩავარდეთ. თუმცა, ეს იმას არ ნიშნავს, რომ ამ პერიოდში არ გექნებათ წარმატებები, უბრალოდ უფრო მეტი შრომა მოგიწევთ. სამაგიეროდ, შედეგს აუცილებლად ნახავთ.

ლომი
ლომებისთვის ცხოვრებაში მრავალი გარდამტეხი მომენტია. ნებისყოფის გამოვლენა მოგიწევთ 22, 33, 36, 49, 55 და 76 წლის ასაკში. ამავდროულად, ნებისმიერი წარმატებით დაძლეული პრობლემა ახალ შესაძლებლობებსა და დამატებით უნარებს მოგცემთ.

ქალწული
სწრაფი აღმასვლა და მტკივნეული დაცემა ელის ტიპურ ქალწულებს 17, 22, 24, 33, 44 და 48 წლის ასაკში. მეტიც, დაბრკოლებების ლომის წილი თვითრეალიზებასთან და ფინანსებთან იქნება დაკავშირებული. მაგრამ 55 წლის შემდეგ, ნიშნის მრავალი წარმომადგენელი წარმატებისა და მორალური კმაყოფილების მწვერვალზე იქნება.

სასწორი
სასწორისთვის შედარებით პრობლემური პერიოდები 17, 24, 33, 40 და 48 წლის ასაკში მოდის. მოგიწევთ გადახედოს კომუნიკაციის სტილს, რათა თავიდან აიცილოთ პრობლემები და შემდეგ ეტაპზე გადახვიდეთ.

მორიელი
საბედისწერო ეტაპები 25, 34, 45 და 60 წლის ასაკში მოდის. დროის ამ მონაკვეთებში მორიელები საკუთარ თავს შეებრძოლებიან და სწორედ შინაგანი ბრძოლა აღმოჩნდება ბედის ყველაზე რთული გამოცდა.

მშვილდოსანი
მშვილდოსანს მოუწევს რამდენიმე ცხოვრებისეული გაკვეთილის გავლა, რათა იპოვოს შინაგანი წონასწორობა და ცხოვრების ნამდვილი აზრი. მოემზადეთ გარკვეული პრობლემებისთვის 19, 33, 37, 39 და 50 წლის ასაკში და აქციეთ ისინი თქვენს ძალად.

თხის რქა
ტიპიურ თხის რქაში ძირითადი გარდამტეხი მომენტები დაკავშირებულია ბავშვობასთან და დიდ ასაკთან, როგორიცაა: 8, 11, 15, 47, 51, 55, 61 და 79 წელი. მაგრამ, ნიშნის კონსერვატიული და პასუხისმგებლიანი წარმომადგენლებისთვის შეგნებული ცხოვრების უმეტესი ნაწილი სტაბილური იქნება.

მერწყული
საბედისწერო შეხვედრები, ნაცნობობა და მნიშვნელოვანი მოვლენები მერწყულს ელის 12, 22, 24, 32, ასევე 48 და 50 წლის ასაკში. მთავარია - არ დაივიწყოთ დისციპლინა და სწორად შეაფასოთ ადამიანები.

თევზები
ყველანაირი სიურპრიზი თევზებს პირად ცხოვრებაში და პროფესიულ სფეროში 13, 15, 25, 30 და 37 წლის ასაკში ელით. ამ თარიღებზე უმოქმედოდ ყოფნა ნამდვილად შეუძლებელია.

წყარო: beaumonde.ge