კვირის ყველაზე მნიშვნელოვანი დღე პირველი აპრილია. ამ დღეს გველოდება ახალმთვარეობა - ვერძის მე-12 გრადუსში, 10:24 საათზე. ეს არის დღე, როცა შეგვიძლია ჩავიფიქროთ სურვილი, ჩამოვწეროთ სამომავლო მიზნები. ახალი საქმეები დაიწყეთ 2 ან 3 აპრილიდან. ახალმთვარეობამდე მოიცილეთ ყველა უსარგებლო, ძველი ნივთი, გაიწმინდეთ სახე, კბილები, მოიცილეთ არასასურველი თმა, დაიცავით დიეტა. 29-31 მარტი ცოტა რთული დღეებია და მოერიდეთ ურთიერთობის დაძაბვას გარშემო მყოფებთან, საყვარელ ადამიანთან. ფრთხილად მუშაობისას, მგზავრობისას. ახალმთვარეობის შემდეგ იწყება განახლება. მოემზადეთ სასიამოვნო სიახლეებისთვის.

28 მარტი, მთვარე მერწყულშია. მოგინდებათ,
ხალხის მასისგან გამორჩეულად გამოიყურებოდეთ; სამოსში ორიგინალურობის გამოკვეთა. ჩაცმულობაში უპირატესობა მიანიჭეთ ელექტრიკ ფერებს, ფერთა უჩვეულო შეხამებას. კარგ შედეგს მოგიტანთ პიგმენტური ლაქების გათეთრება.
კარგია - რეიკი, სუჯოკ თერაპია, ეპილაცია, პილინგი, იმიჯთან დაკავშირებული ექსპერიმენტები.
ცუდია - პლასტიკური ოპერაციები, აპარატული კოსმეტოლოგია.

29 მარტი, მთვარე 08:33-ზე ესტუმრება თევზებს. მოგინდებათ დასვენება, სულიერი კომფორტის შეგრძნება, მედიტაცია.
კარგია - ორთქლის აბაზანა სახის კანისთვის, წყალმცენარეების კოსმეტიკის გამოყენება, აუზისა და აბანოს პროცედურები.
ცუდია - ნებისმიერი მანიპულაცია ტერფებზე. მომატებულია ალერგიულობა და მგრძნობიარობა არომატებისადმი.

31 მარტი, მთვარე 13:34-ზე გადავა ვერძში. მოიმატებს მოძრაობის, აქტიურობის, რამეს კეთების სურვილი. ამასთანავე, სიფრთხილე გვმართებს და განსაკუთრებით, მჭრელ საგნებთან. მოერიდეთ ტრავმებს. კარგია სპორტი, ცურვა, ნებისმიერი აქტიურობა. გაუფრთხილდით თავს.
კარგია - თმის ნიღბის, თავის მასაჟის გაკეთება; სახისა და კანის სასარგებლო ბალახეულის ყინულით გაწმენდა.
ცუდია - არ გაცივდეთ, არ გაიციოთ თავი, ცხვირ-პირი; მოერიდეთ სახეზე ოპერაციას, სილამაზის ნემსების გაკეთებას, ყურების გახვრეტასა და კბილები გეგმურ მკურნალობას.

2 აპრილი, მთვარე 20:53-დან იქნება კუროში. კარგი დღეა კოსმეტოლოგთან ჩასაწერად, თავისა და სახის კანის კვებისთვის. გემრიელობის ჭამით გაგიუმჯობესდებათ განწყობა. სასარგებლოა - თევზი და ზღვის პროდუქტები.
კარგია - მკვებავი ნიღბების გაკეთება, წარბების კორექცია, პილინგი, სკრაბი, პარაფინის პროცედურები, თმის შეღებვა.
ცუდია - მოერიდეთ ნებისმიერ მანიპულაციას ტუჩებზე, ყელის გაცივებას ან გადატვირთვას (თუნდაც ხმამაღალი ლაპარაკით). პროცედურებით არ ჩაერიოთ კისრისა და ყელის ზონებში. არ მიიღოთ ცივი სასმელები და საკვები.

წყარო: marao.ge