საინტერესო მოვლენებით დატირთული კვირა გველის: მთვარე კლებადია, შეგიძლიათ დაიწყოთ დიეტა, მოიცილოთ უსარგებლო ნივთები, ვალდებულებები. ურთიერთობები... პლანეტების - მერკურისა და იუპიტერის - შეერთების შედეგად მოგინდებათ უცხო ენების შესწავლა, უცხოეთთან ურთიერთობის გაუმჯობესება. 22-23-ში ცოტა სიფრთხილე გმართებთ, ტრავმული დღეა, ფრთხილად ტექნიკასთან, აგრესიულად განწყობილ ადამიანებთან. 23-დან მოიმატებს ხელოვნებისადმი ინტერესი. გაგიტაცებთ ფოტოგრაფია, ხატვა, შეიძლება ფურცელზე გადაიტანოთ თქვენი აზრები ჩანახატების სახით.

21 მარტი, მთვარე მორიელშია. გამძაფრებულია ემოციები და გრძნობები. მოერიდეთ რისხვის, ეჭვიანობის გამოვლენას. კარგია მედიტაცია, ლოცვა, ენერგეტიკული პრაქტიკები.

პლუსი - კონტრასტული
შხაპი, სულიერი პრაქტიკები, კანის გაახალგაზრდავება, მეზოთერაპიის სეანსი.
მინუსი - არ ჩაერიოთ ენდოკრინული სისტემის მუშაობაში, აგრეთვე, საშარდე ბუშტის სისტემაში. არ ესტუმროთ გინეკოლოგს.

23 მარტი, მთვარე მშვილდოსანშია. კანისთვის გამოიყენეთ ორგანულ ცხიმებზე დამზადებული კრემები. მოსაფრთხილებელია ღვიძლი. უარი თქვით ალკოჰოლზე. ჩაცმულობაში მეტად გამოიყენეთ ლურჯი, ძოწისფერი.

კარგია - ესტუმრეთ სპა-სალონს. კარგია პილინგი, კანზე წარმონაქმნების მოშორება; აგრეთვე, ჩაზრდილი ფრჩხილის მკურნალობა.
ცუდია - მოერიდეთ თეძოებთან დაკავშირებულ ნებისმიერ პროცედურას, განსაკუთრებით - ლიპოსაქციას.

25 მარტი, 01:54-ზე მთვარე ესტუმრება მკაცრ და ასკეტურ თხის რქის ზოდიაქოს. მოიმატებს მკაცრი და კონსერვატიული დამოკიდებულება ყველაფრისადმი. ყველაფერი გეგმის მიხედვით უნდა გაკეთდეს. გაუფრთხილდით კბილებს, ძვლებს.
კარგია - პედიკიური, პილინგი
ცუდია - კბილების მკურნალობა, ნებისმიერი ჩარევა ძვლოვან სისტემაში.

27 მარტი, მთვარე 04:55-დან მერწყულში იქნება. მოგინდებათ, ხალხის მასისგან გამორჩეულად გამოიყურებოდეთ, სამოსში ორიგინალურობის გამოკვეთა. ჩაცმულობაში უპირატესობა მიანიჭეთ ელექტრიკ ფერებს, ფერთა უჩვეულო შეხამებას. კარგ შედეგს მოგიტანთ პიგმენტური ლაქების გათეთრება.

კარგია - რეიკი, სუჯოკ თერაპია, ეპილაცია, პილინგი, იმიჯთან დაკავშირებული ექსპერიმენტები.
ცუდია - პლასტიკური ოპერაციები, აპარატული კოსმეტოლოგია.

წყარო: marao.ge