საინტერესო მოვლენებით დატვირთული კვირა გველის. უპირველეს ყოვლისა, ყველას გირჩევთ, მომართული იყოთ პირადი ურთიერთობების გაუმჯობესებაზე. 6 მარტს გენდერული პლანეტები - მარსი და ვენერა, გამოვიდნენ სერიოზული და მკაცრი თხის რქისგან და შევიდნენ თავისუფლებისმოყვარე მერწყულში.

რომანტიკული ურთიერთობები უფრო გახსნილი და თავისუფალი გახდება. 10 მარტიდან კარგად გამოგივათ წერა (კალიგრაფია, ლიტერატურა), ხატვა. ამასთან, მოერიდეთ მეტყველებაში უცენზურო სიტყვების გამოყენებას და ტყუილების თქმას. კვირის ბოლოს მოგეძალებათ შემოქმედებითი იდეების განხორციელების სურვილი. შეიძლება დაინტერესდეთ ფსიქოლოგიით. დააკვირდით სიზმრებს; ზოგი მიიღებთ პასუხს თქვენთვის მნიშვნელოვან კითხვაზე. ამავე
დროს, ფრთხილად უნდა ვიყოთ წყალთან, ალკოჰოლთან და მათრობელა საშუალებებთან.

7 მარტი, მთვარე კუროშია. კარგი დღეა კოსმეტოლოგთან ჩასაწერად, თავისა და სახის კანის კვებისთვის. თმის შეღებვა. გემრიელობის ჭამით გაგიუმჯობესდებათ განწყობა. სასარგებლოა - თევზი და ზღვის პროდუქტები.

კარგია - მკვებავი ნიღბების გაკეთება. წარბების კორექცია, პილინგი, სკრაბი, პარაფინის პროცედურები, თმის შეღებვა.
ცუდია - მოერიდეთ ნებისმიერ მანიპულაციას ტუჩებზე, ყელის გაციებას ან გადატვირთვას (თუნდაც ხმამაღალი ლაპარაკით). პროცედურებით არ ჩაერიოთ კისრისა და ყელის ზონებში. არ მიიღოთ ცივი სასმელები და საკვები.

8 მარტი, მთვარე 22:41-ზე ტყუპში გადავა. კარგია სუფთა ჰაერზე სეირნობა. მოიმატებს ინფორმაციის გაცვლის, ურთიერთობისა და გადაადგილების სურვილი. მოუფრთხილდით ხელებს, ფილტვებს.

კარგია - სუნთქვითი ვარჯიში, მასაჟი, არომათერაპია. შეგიძლიათ გაიკეთოთ პირსინგი, ტატუ.
ცუდია - მანიკიური, ფრჩხილების დაგრძელება, ნებისმიერი მანიპულაცია ხელებთან.

11 მარტი, მთვარე 11:23-ზე ესტუმრება კირჩხიბს. იმატებს მგრძნობელობა და ემოციურობა. დიასახლისებს საჭმელი გამოსდით განსაკუთრებით გემრიელი. სასარგებლოა პურისა და სხვა ფქვილეულის გამოცხობა. არ გადატვირთოთ კუჭი.

კარგია - აბაზანის მიღება, კარგ შედეგს მოგიტანთ დამატენიანებელი კრემების გამოყენება. შეგიძლიათ გაიკეთოთ პირსინგი, ტატუ.
ცუდია - კუჭის გამოკვლევა, ნებისმიერი მანიპულაცია მკერდის და საშვილოსნოს ზონასთან, ტყუილის თქმა.

წყარო: marao.ge