მთვარე კლებადია. კარგი იქნება დაწყებული საქმეების დასრულება, დიეტის დაცვა. ჩაიტარეთ სილამაზის პროცედურები, რაც მოცილებასთანაა დაკავშირებული (ეპილაცია, კბილების ქვებისგან გათავისუფლება და ა.შ.). სამშაბათს გვაქვს საინტერესო, სარკისებური თარიღი - 22.02.2022 მაგრამ არ გირჩევთ სურვილებისა და სამომავლო მიზნების ჩამოწერას, რადგან მთვარე კლებადია; დაქორწინებას, რადგან ამ დღეს მთვარე მორიელშია და წყვილის ოჯახურ ცხოვრებაში მუდამ იქნება ეჭვიანობა, უნდობლობა, საიდუმლოებები. უმჯობესია, ეს დღე სამეცნიერო კვლევას, სწავლას, დაწყებული პროექტების, ვალდებულებების დასრულებას დაუთმოთ.

21 თებერვალი, მთვარე 13:17-დან მორიელშია. ემოციური მთვარე. გამძაფრებულია ემოციები და
გრძნობები. მოერიდეთ რისხვის, ეჭვიანობის გამოვლენას. კარგია მედიტაცია, ლოცვა, ენერგეტიკული პრაქტიკები.

პლუსი - კონტრასტული შხაპი, სულიერი პრაქტიკები, კანის გაახალგაზრდავება, მეზოთერაპიის სეანსი.
მინუსი - არ ჩაერიოთ ენდოკრინული სისტემის მუშაობაში. აგრეთვე - საშარდე ბუშტის სისტემაში. არ ესტუმროთ გინეკოლოგს.

23 თებერვალი, 17:27-ზე მთვარე მშვილდოსანში გადავა. მოსაფრთხილებელია ღვიძლი, უარი თქვით ალკოჰოლზე. ჩაცმულობაში მეტად გამოიყენეთ ლურჯი, ძოწისფერი.

კარგია - პილინგი, კანზე წარმონაქმნების მოშორება; აგრეთვე, ჩაზრდილი ფრჩხილის მკურნალობა.
ცუდია - მოერიდეთ თეძოებთან დაკავშირებულ ნებისმიერ პროცედურას, განსაკუთრებით - ლიპოსაქციას.

25 თებერვალი, 20:26-ზე მთვარე თხის რქას ესტუმრება. გამოხატული იქნება მკაცრი და კონსერვატიული დამოკიდებულება ყველაფრისადმი. ყველაფერი გეგმის მიხედვით უნდა გაკეთდეს. გაუფრთხილდით კბილებს, ძვლებს.

კარგია - პედიკიური, პილინგი
ცუდია - კბილების მკურნალობა, ნებისმიერი ჩარევა ძვლოვან სისტემაში.

წყარო: marao.ge