მოვლენებით აღსავსე პერიოდი გველოდება, თითქმის ყოველდღე გვაქვს საინტერესო ცვლილება: კვირა ყველაზე რომანტიკული დღით - ვალენტინობით იწყება, მაგრამ ცოტა რთული დღეა და გავფრთხილდეთ. მოერიდეთ ეპატაჟურობას. ამ დღეს შეიძლება ბევრი წყვილი დაშორდეს ერთმანეთს. ფრთხილად ვართ მგზავრობისას. სამშაბათს მერკური მერწყულს ესტუმრება. მოიმატებს კომუნიკაბელურობა, მეგობრებთან შეხვედრები; აგრეთვე, კომპიუტერულ და ელექტრონულ ტექნოლოგიებში გარკვევის სურვილი. ოთხშაბათს კი სავსემთვარეობას ველოდებით ლომის ზოდიაქოში. მომატებულია ემოციები, სიტუაციების დრამატულობა. ეცადეთ, ამ დღიდან თქვენი ცხოვრება მეტად ლამაზი და ბრჭყვიალა გახდეს. ხუთშაბათიდან მთვარე კლებას დაიწყებს. 18 თებერვალს
მზე თევზების ზოდიაქოში გადავა. მოიმატებს ჰარმონიულობის, სიყვარულისა და სილამაზის სურვილი.

14 თებერვალი, 15:18-მდე მთვარე კირჩხიბშია, მერე გადავა ლომში

მთვარე კირჩხიბში
მომატებულია მგრძნობელობა და ემოციურობა. დიასახლისებს საჭმელი გამოსდით განსაკუთრებით გემრიელი. სასარგებლოა პურისა და სხვა ფქვილეულის გამოცხობა. საღამოს არ გადატვირთოთ კუჭი.

კარგია - აბაზანის მიღება. კარგ შედეგს მოგიტანთ დამატენიანებელი კრემების გამოყენება. შეგიძლიათ გაიკეთოთ პირსინგი, ტატუ.
ცუდია - კუჭის გამოკვლევა, ნებისმიერი მანიპულაცია მკერდის და საშვილოსნოს ზონასთან, ტყუილის თქმა.

მთვარე ლომში
მოიმატებს შემოქმედებითი განწყობა, რაიმეს კეთების სურვილი. გავუფრთხილდეთ გულს. არ გადაიღალოთ. მოიმატებს ფლირტის სურვილი. მიირთვით კალციუმით, კალიუმითა და მაგნიუმით მდიდარი პროდუქტები.

კარგია - ზურგის გავარჯიშება, სუნთქვითი ვარჯიშები, ფუტკრის ნაწარმზე დამზადებული კრემების გამოყენება (თუ ალერგია არ გაქვთ), თმის შეჭრა, რომ მოცულობასა და სიგრძეში სწრაფად გაიზარდოს.
ცუდია - ყურების გახვრეტა, ორთქლის აბანო, სახის გაწმენდა, მარილიანი პროდუქტების ჭამა.

17-18 თებერვალი, მთვარე ქალწულშია

მოიმატებს შრომისუნარიანობა. მეტად გამოიჩენთ ყურადღებას ჯანმრთელობის მიმართ. მოსაფრთხილებლია ნაწლავები. ეცადეთ, სწორად იკვებოთ.

კარგია სახლის, პირადი ნივთების დალაგება; ჯანსაღი საკვების მიღება, დღის რეჟიმის დაცვა, გამწმენდი პროცედურების ჩატარება, პილინგი, ფიტოთერაპია.
ცუდია - მუცლის პლასტიკა, მუცლის ღრუში ქირურგიული ჩარევა, წვრილმანებზე ყურადღების გამახვილება, მუცლის ვარჯიშების შესრულება.

19-20 თებერვალი, მთვარე სასწორშია

ქალს სილამაზისა და ჰარმონიისკენ სწრაფვის სურვილი უჩნდება. ჩაიტარეთ კოსმეტიკური პროცედურები. მოუფრთხილდით თირკმელებს. შეამცირეთ ხორცეული და მარილიანი საკვები. მიიღეთ ხილი, დალიეთ მინერალური წყალი და მწვანე ჩაი.

პლუსი - ესტუმრეთ კოსმეტოლოგს, გაიკეთეთ მანიკიური და სახის მკვებავი ნიღბები.
მინუსი - მოერიდეთ გარეგნობის შეცვლის რადიკალურ მეთოდებს.

წყარო: marao.ge