ბაქოში მყოფი საზოგადოებას გვეჩხუბა და საათნახევარში გადადგა - ასე პასუხობს ნიკა მელია ირაკლი კობახიძის იმ განცხადებას, სადაც "ოცნების" თავმჯდომარე ამტკიცებს, რომ 2024 წლამდე არჩევნები არ იქნება.

მელიას თქმით, რას საუბრობს კობახიძე, ეს ქართული საზოგადოებისთვის უმნიშვნელოა და ქვეყანა ცვლილებებისთვის უნდა მოემზადოს.

„ბატონი კობახიძის მიერ გაკეთებული განცხადება საათნახევრით ადრე მახსოვს, რომ ის თანამდებობიდან არ გადადგებოდა, ბაქოში მყოფი საზოგადოებას გვეჩხუბა და საათნახევარში გადადგა. ამიტომ რას საუბრობს ბატონი კობახიძე მისთვის და მისი თანაგუნდელებისთვის ალბათ მნიშვნელოვანია, თუმცა აბსოლუტურად უმნიშვნელოა ქართული საზოგადოებისთვის. ჩვენ უნდა მოვემზადოთ ცვლილებებისთვის. რამდენადაც მზად ვიქნებით ცვლილებებისთვის იმდენად სწრაფად დადგება ის დღე, როდესაც ქვეყანაში ჩატარდება შესაბამისი ბრძოლა, ეს იქნება საარჩევნო თუ სხვა ტიპის. საზოგადოება ამ ბრძოლისთვის მზადყოფნაში უნდა იყოს მოყვანილი და არ უნდა მივაქციოთ ყურადღება სახელისუფლებო მედიის პროპაგანდისტულ მოსაზრებებს. პირადად ჩემთვის ეს ნაკლებად მნიშვნელოვანია“, - განაცხადა ნიკა მელიამ.