რა სწყინს ზოდიაქოს სხვადასხვა ნიშანს ყველაზე მეტად? - ეს ფრაზები მათ არ უნდა უთხრათ

ყველა ადამიანი ინდივიდუალურია, თუმცა არის საერთო ნიშნები, რომლებიც ზოდიაქოს სხვადასხვა ნიშანს ყველაზე მეტად აბრაზებს და ანაწყენებს:

ვერძი
ვერძის მონდომება და სიმტკიცე საკმარისია იმისათვის, რომ ნებისმიერი კედელი და დაბრკოლება დაანგრიოს. იქნება ეს ურთიერთობებში, კარიერასა თუ ჰობის მიმართულებით. სძულთ, როდესაც ეუბნებიან, რომ "ზედმეტად იმპულსურები" არიან და მათ გადაწყვეტილებებსა და ქმედებებს "დაუფიქრებელს" უწოდებენ.

კურო
კუროებს უყვართ ლამაზი ცხოვრება და სიამოვნებით ხარჯავენ ფულს ძვირადღირებულ ნივთებზე. მაგრამ, თუ მათ უწოდებთ "მერკანტილურს" - მაშინვე გადაიქცევიან მებრძოლ ხარებად და თქვენ წინააღმდეგ გაილაშქრებენ.

ტყუპები
ტყუპები ძალიან სპონტანურები არიან და ხანდახან ერთდროულად ბევრი რამით არიან დაკავებულნი. თუმცა, ეს მათ პასუხისმგებლობის განცდას კითხვის ნიშნის ქვეშ არ აყენებს. ამიტომ ძალიან სწყინთ, თუ ვინმე მათ "არასანდო" ადამიანად თვლის ან ამბობს, რომ "ვერ დაეყრდნობა".

კირჩხიბი
ძალიან მგრძნობიარე და ხანდახან ნერვიული კირჩხიბები ყოველთვის არ აჩვენებენ სხვებს თავიანთ შინაგან სამყაროს. ამიტომ, არ ღირს მათთვის "ახირებულების" დარქმევა - ვერც კი წარმოიდგენთ, მათ როგორი თანაგრძნობის უნარი აქვთ.

ლომი
ლომის ნიშნის ქვეშ დაბადებულ ადამიანებს ყურადღების ცენტრში ყოფნა უყვართ. მაგრამ, ეს ხშირად განიმარტება სხვების მიერ, როგორც ეგოცენტრულობა ან ქედმაღლობა. ლომი კი ამის გამო ძალიან წუხს, რადგან მისთვის თანაბრად მნიშვნელოვანია სხვების სიყვარული და მოწონება.

ქალწული
ქალწულის ერთ-ერთი ყველაზე მნიშვნელოვანი თვისება ორგანიზებულობა და წესრიგის სიყვარულია. მათ უყვართ ყველაფრის წინასწარ დაგეგმვა და ანალიტიკური აზროვნებით გამოირჩევიან. მაგრამ, თუ მათ ,,გადაჭარბებულ რაციონალურობაში“ დასდებთ ბრალს, ძალიან გაბრაზდებიან.

სასწორი
სასწორი საკმაოდ მზრუნველი ნიშანია და სხვებისთვის სასარგებლო საქმის გაკეთება უყვარს. ისინი ყოველთვის წონასწორობისა და ჰარმონიისკენ ისწრაფვიან. ვაი მას, ვინც გაბედავს და საპირისპიროს ეტყვის! აუცილებლად გამოიწვევთ მათ განაწყენებას და რისხვა არ აგცდებათ.

მორიელი
ვნებიანი და იმპულსური მორიელები მიდრეკილნი არიან თვითრეფლექსიისკენ და ამიტომ ხშირად იცვლიან აზრს ადამიანებსა და მოვლენებზე. მაგრამ, მათ თვალთმაქცები არ უნდა უწოდოთ - ეს ძალიან დიდი შეურაცხყოფა იქნება.

მშვილდოსანი
მშვილდოსნები მუდმივი თავგადასავლების მოყვარულები არიან და ძალიან აფასებენ სიყვარულსა და მეგობრობას. უჩნდებათ დამოკიდებულების განცდაც, მაგრამ თუ მათ ეტყვით, რომ ზედმეტად მიჯაჭვულები არიან ვინმეს ან რამის მიმართ, ძალიან ეწყინებათ.

თხის რქა
თხის რქები არიან მოწესრიგებულები, შრომისმოყვარეები, სანდოები, ზოგჯერ ზედმეტად ფრთხილები. ბევრს სურს, ჩამონათვალს დაამატოს “ მოსაწყენი", მაგრამ ეს ასე არ არის - თხის რქებს, როგორც წესი, აქვთ დიდი იუმორის გრძნობა და ჰყავთ ბევრი მეგობარი.

მერწყული
მერწყულებს არ უყვართ საკუთარი გამოცდილების სხვებისთვის გაზიარება, იშვიათად საუბრობენ თავიანთ გრძნობებზე, მაგრამ ხშირად განმარტოება სურთ. ძლიერი ჯავშნის უკან, ძალიან თბილი და მგრძნობიარე გული იმალება, ამიტომ თუ მათ ,,ცივებს“ უწოდებთ, ძალიან ეწყინებათ.

თევზები
თევზები არიან კრეატიულები, შემოქმედებითობის დიდი ნიჭით და უყვართ ოცნება. მაგრამ, თუ მათ ეტყვით, რომ ,,რეალობას არიან მოწყვეტილნი და ღრუბლებში დაფრინავენ“, არა მხოლოდ აწყენინებთ, არამედ შეცდებით კიდეც, რადგანაც თევზები პრობლემების მოგვარებას კი არ გაურბიან, არამედ გადაჭრის საკუთარ გზას ირჩევენ.

წყარო: beaumonde.ge
360
2 წლ, 1 თ წინ