ნუმეროლოგიის მიხედვით, 2022 წელი პარტნიორებს შორის ურთიერთობებზეა პასუხისმგებელი, ამიტომ თუ თქვენ კონფლიქტური სიტუაცია გაქვთ, მაშინ ასტროლოგების თქმით, უახლოეს თვეებში შესაძლოა, კიდევ უფრო დაგეძაბოთ ურთიერთობა. განსაკუთრებით საფრთხილო კი მარტი და აპრილია.

ვერძი
2022 წელს ასტროლოგები ზოდიაქოს ამ ნიშნის წარმომადგენლებს საკუთარ ჯანმრთელობაზე ფიქრს ურჩევენ. მხოლოდ ამ შემთხვევაში შეგიძლიათ გახდეთ ბედნიერი, ლამაზი, მდიდარი და ასევე დარჩეთ ძალიან პოპულარული თქვენს გარშემომყოფ ადამიანებში. თქვენი კარმული გაკვეთილი არის, ისწავლოთ ემოციების და გამოცდილების გაზიარება სხვა ადამიანებთან.

კურო
კუროსთვის 2022 წელს რეკომენდებულია, ფოკუსირდეს სამუშაოსა და კარიერაზე. ძილის ნაკლებობა გაგრძნობინებთ დაღლილობას. კარმული ჰოროსკოპის მიხედვით, გჭირდებათ საკმარისი სივრცე, რომ წინ წახვიდეთ, განვითარდეთ და წარმატებული პროექტები განახორციელოთ. ამიტომ, გქონდეთ საკუთარი აზრი და ნებისმიერი კამათის დროს მხოლოდ თქვენს გამოცდილებას ენდეთ.

ტყუპები
ასტროლოგები გირჩევენ, ყურადღება მიაქციოთ თქვენი სამუშაოს შემოქმედებით კომპონენტს. 2022 წელს შეგიძლიათ, გახდეთ დიზაინერი და მნიშვნელოვანი ცვლილებები შეიტანოთ თქვენს გარეგნობაში. პირად ცხოვრებაში იცხოვრეთ გრძნობებით, სამსახურში კი გონებით. ასტროლოგები გირჩევენ, საოფისე რომანებისგან თავი შეიკავოთ, სხვა შემთხვევაში, თქვენი ცხოვრების ყველა სფერო ჰარმონიაში იქნება ერთმანეთთან.

კირჩხიბი
შეგიძლიათ თქვენი ჰობი შემოსავლის წყაროდ აქციოთ. უნდა გამოიყენოთ შესაძლებლობები მაქსიმალურად. იცხოვრეთ დღევნდელი დღით და მიიღეთ მისგან გამოცდილება.

ლომი
2022 წელს კარიერაში სწრაფი ზრდა გელით, რაც ფინანსური მდგომარეობის გაუმჯობესებას გამოიწვევს. შეგიძლიათ გახდეთ შემოქმედებითი ლიდერი, რადგან ლიდერობის თვისებები თანდაყოლილი გაქვთ. არ შეგეშინდეთ, ბოლომდე დაიცვათ საკუთარი აზრი. კარმული ჰოროსკოპის მიხედვით, უნდა განავითაროთ მოქნილობა და სიმარტივე სხვა ადამიანებთან ურთიერთობისას. ასე უკეთესი იქნება კომუნიკაცია.

ქალწული
ასტროლოგები გირჩევენ, მთელი ძალით ებრძოლოთ საკუთარ სიზარმაცეს. არ არის საჭირო ძალის გამოყენება რაღაცის შესაცვლელად. ისწავლეთ მოთმინება და ენერგიის უფრო გონივრული განაწილება.

სასწორი
გაქვთ ძალიან კარგი ინტუიცია, ასე რომ შეგიძლიათ, ერთი შეხედვით გაუგოთ სხვებს და პირველი შთაბეჭდილებები არასოდეს მოგატყუებთ. ახალი ცოდნა და უნარები დაგეხმარებათ, ამ წელს უფრო მეტი შემოსავალი მიიღოთ. არ უნდა იფიქროთ სამსახურზე, როგორც შემოსავლის წყაროზე, წარმოიდგინეთ ის, როგორც თავგადასავალი. კარმული ჰოროსკოპის მიხედვით, თქვენი კარმული გაკვეთილი უფრო რეალისტურია. ზოგჯერ რეალობა უფრო საინტერესოა, ვიდრე ოცნება. უბრალოდ, კარგად უნდა შეხედოთ მას.

მორიელი
ასტროლოგები გირჩევენ, შეწყვიტოთ ოფისში მუშაობა და ფრილანსერად დაიწყოთ განვითარება. იცით, როგორ მოერგოთ გაჯეტებსა და ინტერნეტს კარგად. შესაბამისად, ფრთხილად იყავით იმ კონტენტის მიმართ, რომელსაც სოციალურ ქსელებში აქვეყნებთ. ისწავლეთ მოვლენებზე თვალყურის დევნება და ცვლილებებზე ადეკვატურად რეაგირება.

მშვილდოსანი
ასტროლოგები გირჩევენ, რომ ყურადღება სახლიდან მუშაობას მიაქციოთ, ონლაინ კურსები გაიაროთ და ახალი ცოდნა შემოსავლის წყაროდ აქციოთ. ისწავლეთ ლოგიკური აზროვნება და სწორად გამოხატეთ თქვენი იდეები, მოუსმინეთ შინაგან ხმას.

თხის რქა
ამ ნიშნის წარმომადგენლებს ყველაზე უკეთ შეუძლიათ რობოტებისთვის პროგრამების შექმნა. გირჩევთ დაიწყოთ დღიურის წარმოება, სადაც უნდა ჩაწეროთ ყველა გეგმა თუ მიზანი ყოველი დღისთვის. დროდადრო შეცვალეთ ცხოვრების ჩვეული რიტმი, წესები და პრინციპები, რომ უფრო გახალისდეთ და მოტივაცია მოგემატოთ.

მერწყული
ვეფხვის წელს თქვენი ინტერესები ნამდვილ აღიარებას მოიპოვებს. შეეცადეთ განავითაროთ საკუთარ თავში სტრატეგიული აზროვნება, არ დანებდეთ. კარმული ჰოროსკოპის მიხედვით, თქვენ მოხვედით ამ სამყაროში, რათა ის უკეთესი და სუფთა გახადოთ.

თევზები
თუ უკვე ფიქრობდით საკუთარი ბიზნესის წამოწყებაზე, მაშინ 2022 წელი ყველაზე ხელსაყრელი პერიოდი იქნება ამ ცვლილებებისთვის. მთელი წლის განმავლობაში წარმატებები თან დაგყვებათ. პირად ურთიერთობებში დადებითი ცვლილებებია მოსალოდნელი. კარმული ჰოროსკოპი გირჩევთ, რომ საკუთარ ინტერესებზე ფოკუსირდეთ და არ დაუთმოთ ზედმეტი დრო მათ, ვინც არ იმსახურებს.

წყარო: beaumonde.ge