ყველა ასტროლოგი ერთ რამეში თანხმდება: 2022 წელი დაუვიწყარი და ჯადოსნური წელი იქნება ადამიანთა უმეტესობისთვის, რადგანაც პირველად 166 წლის განმავლობაში, ზღაპრული წარმატებისა და ჯადოსნური გარემოებების მქონე პლანეტები, ნეპტუნი და იუპიტერი, თავიანთ უძლიერეს ნიშანში, თევზებში ერთიანდებიან. ეს კი იმას ნიშნავს, რომ წყლის სამ ნიშანს აუცილებლად გაუმართლებს. არის კიდევ ერთი თანავარსკვლავედი, სადაც იუპიტერი მაისში შევა და ოქტომბრამდე დარჩება, რაც იმას ნიშნავს, რომ სინამდვილეში არსებობს 2022 წლის ოთხი ყველაზე იღბლიანი ნიშანი:

თევზები
ამ ნიშნის წარმომადგენლები წელს იგრძნობენ, რას ნიშნავს იყო ნამდვილი ფავორიტი. მატერიალური პირობების ზრდის გარდა, ბევრი თევზი შეძლებს საცხოვრებელი პრობლემების მოგვარებას და დაწინაურებას. 2022 წელს თევზებისთვის ყველაფერი ძალიან კარგად წავა და თუ თქვენ მოგზაურობას, მიგრაციას გეგმავთ, მაშინ იუპიტერი ამის შესაძლებლობას ნამდვილად მოგცემთ. ხოლო ყველაზე ხელსაყრელი პერიოდი 2022 წლის მარტიდან აპრილამდეა.

მორიელი
ამ ნიშნის წარმომადგენლები წელს იუპიტერისგან სერიოზულ დახმარებას მიიღებენ. ასტროლოგები ამბობენ, რომ ამ წელს მათთვის ოცნება მოულოდნელად ახდება და ცხოვრებაში ყველაზე ბედნიერი მოვლენები დაიწყება. სხვათა შორის, იმ მორიელებს, რომლებიც ორსულობაზე ოცნებობდნენ, სწორედ 2022 წელი შეუსრულებსს ამ სანუკვარ სურვილს. გარდა ამისა, თუ მორიელი ხართ, რომელიც ბიზნესის წამოწყებას გეგმავს, მაშინ ვარსკვლავები თქვენს ყველა ინიციატივას ემხრობიან. ეს განსაკუთრებით ეხება მარტში, აპრილში, ნოემბერსა და დეკემბერში განხორციელებულ აქტივობებს.

კირჩხიბი
კირჩხიბები, მორიელების მსგავსად, იუპიტერის მმართველობის ქვეშ იქნებიან, მაგრამ ეს დიდი ალბათობით ასოცირდება მოგზაურობის, მიგრაციის ან განათლების შესაძლებლობასთან. გარდა ამისა, ის კირჩხიბები, რომლებსაც სასამართლოში გამარჯვება სურთ, წელს, ამას მარტივად შეძლებენ. აღსანიშნავია ისიც, რომ იუპიტერი მნიშვნელოვანი კომუნიკაციისა და სანაცნობო წრის გაფართოებაში დაგეხმარებათ, რაც კარიერულ წინსვლაში ხელს შეგიწყობთ.

ვერძი
11 მაისიდან 27 ოქტომბრის ჩათვლით, იუპიტერი, იღბლისა და წარმატების პლანეტა, ვერძის ნიშანში გადავა. ის ყველაზე დიდ გავლენას 21 მარტიდან 30 მარტამდე დაბადებულ ვერძებზე მოახდენს. მარტივად რომ ვთქვათ, ყველა ვერძს ექნება დიდი გარღვევა ცხოვრებაში, გაიზრდება შინაგანი ენერგია, ამბიცია და ენთუზიაზმი. გაიხსენეთ, რა მოხდა 2011 წელს – სწორედ მაშინ იყო იუპიტერი თქვენს ნიშანში. იმ ვერძებისთვის, რომლებიც დიდი ხანია ოცნებობენ დაწინაურებაზე, დედობაზე, მოგზაურობაზე ან კარიერაში ახალ საფეხურზე - შესანიშნავი სიახლეა. იუპიტერი მოგცემთ ძალიან კარგ პოზიციას, ხოლო ხელფასის სერიოზული ზრდა უკვე 2023 წელს დაიწყება.

წყარო: beaumonde.ge