მთვარე მზარდია, იზრუნეთ კანის მეტად დატენიანებასა და კვებაზე. კარგი პერიოდია ფრჩხილებისა და თმის დაგრძელებისთვის, ლიფტინგისა და გამაახალგაზრდავებელი პროცედურების ჩასატარებლად. მოუფრთხილდით სასუნთქ სისტემას, კუჭს. დიდი ბედნიერების პლანეტა - იუპიტერი, ღიმილს, წარმატებას და სასიამოვნო დღეებს გვპირდება. იყავით აქტიური, თამამი, მაგრამ ამავე დროს - ფრთხილად, იმატებს ავარიულობა, კონფლიქტებისა და ინფექციების მომატების ალბათობა. ზოგიერთს შეიძლება მოგინდეთ საიდუმლოებებში, უჩვეულო ამბებში გარკვევა. გულახდილი საუბრის დროს გაიგებთ რაღაც განსაკუთრებულს.

7 თებერვალი, მთვარე კუროშია. კარგი დღეა კოსმეტოლოგთან ვიზიტისთვის, თავისა და სახის კანის კვებისთვის,
თმის შეღებვისთვის. გემრიელობის ჭამით გაგიუმჯობესდებათ განწყობა. სასარგებლოა - თევზი და ზღვის პროდუქტები.

კარგია - მკვებავი ნიღბების გაკეთება, წარბების კორექცია, პილინგი, სკრაბი, პარაფინის პროცედურები. თმის შეღებვა.
ცუდია - მოერიდეთ ნებისმიერ მანიპულაციას ტუჩებზე, ყელის გაციებას ან გადატვირთვას (თუნდაც, ხმამაღალი ლაპარაკით). პროცედურებით არ ჩაერიოთ კისრისა და ყელის ზონებში. არ მიიღოთ ცივი სასმელები და საკვები.

9 თებერვალი, 14:28-დან ტყუპშია. კარგია სუფთა ჰაერზე სეირნობა, თუ ამინდი ხელს შეგიწყობთ. მოიმატებს ინფორმაციის გაცვლის, ურთიერთობისა და გადაადგილების სურვილი. მოუფრთხილდით ხელებს, ფილტვებს.

კარგია - სუნთქვითი ვარჯიში, მასაჟი, არომათერაპია. შეგიძლიათ გაიკეთოთ პირსინგი, ტატუ.
ცუდია - მანიკიური, ფრჩხილების დაგრძელება, ნებისმიერი მანიპულაცია ხელებთან.

12 თებერვალს მთვარე კირჩხიბშია. იმატებს მგრძნობელობა და ემოციურობა. მოგინდებათ ფსიქოლოგიური კომფორტი და დაცვა. დიასახლისებს საჭმელი გამოსდით განსაკუთრებით გემრიელი. სასარგებლოა პურისა და სხვა ფქვილეულის გამოცხობა. არ გადატვირთოთ კუჭი.

კარგია - აბაზანის მიღება, კარგ შედეგს მოგიტანთ დამატენიანებელი კრემების გამოყენება. შეგიძლიათ გაიკეთოთ პირსინგი, ტატუ.
ცუდია - კუჭის გამოკვლევა, ნებისმიერი მანიპულაცია მკერდის და საშვილოსნოს ზონასთან, ტყუილის თქმა.

წყარო: marao.ge