თებერვალი ყველაზე რომანტიკული თვეა - ვალენტინობის დღესასწაული გველის. უკვე დაგეგმეთ სასიყვარულო დღის სცენარი? თებერვალი რომანტიკულ ნაცნობობას გპირდებათ მარტოხელებს. თუმცა რეტროგრადულმა მერკურმა შეიძლება ყოფილებიც გაგახსენოთ... გაეცანით თქვენს სასიყვარულო ასტროპროგნოზს, რათა უკეთ დაგეგმოთ თებერვალი.

ვერძი
მარტოხელებისთვის: თვის დასაწყისში ენერგიულობა მოგემატებათ და უამრავ საქმეს მარტივად გაუმკლავდებით. არ გაგიჭირდებათ სასურველი მამაკაცისთვის თავის მოწონება. აი, თვის ბოლოს კი შეიძლება ფარულმა ურთიერთობებმა გაგიტაცოთ.

რჩევა: პოლიციელივით კი არა, პრინცესასავით უნდა მოიქცეთ.

დაწყვილებულებისთვის: საყვარელ ადამიანს თქვენი გულის მოგება გაუჭირდება. ყველაფრით უკმაყოფილო ნუ ხართ.
იყავით მოსიყვარულე საყვარელი ადამიანის მიმართ და ნუ დაგავიწყდებათ მისთვის რომანტიკული სიურპრიზების მოწყობა.

რჩევა: წინასწარ დაგეგმეთ უქმეები, რათა მეტი დრო გაატაროთ საყვარელ ადამიანთან ერთად.

კურო
მარტოხელებისთვის: გაინებივრეთ თავი სპა და სილამაზის პროცედურებით. 14 თებერვლისთვის რომანტიკული თავგადასავალი გელით, რომელიც თავბრუდამხვევ ურთიერთობაში გადაიზრდება.

რჩევა: სანამ სამ პაემანზე არ წახვალთ და ახალგაცნობილის შესახებ ყველაფერს არ გაიგებთ, ნურავის მოუყვებით მის შესახებ. მიეცით ახალ თაყვანისმცემელს თავისი შესაძლებლობების გამოვლენის საშუალება, თქვენ კი დააკვირდით.

დაწყვილებულებისთვის: ყველაფერზე კამათი კარგს არაფერს მოგიტანთ. უმჯობესია, მოუსმინოთ საყვარელ ადამიანს და მერე მიიღოთ საბოლოო გადაწყვეტილება.

რჩევა: არ გასცეთ დაპირებები, საქმით დაუმტკიცეთ საყვარელ ადამიანს თქვენი გრძნობები. წყენა და პრეტენზიები კი რომანტიკით ჩაანაცვლეთ.

ტყუპი
მარტოხელებისთვის: თებერვალში ერთდროულად რამდენიმე რომანის გაბმას მოასწრებთ და დააკვირდით, ვალენტინობას ვინ უფრო დაგამახსოვრებთ თავს.

რჩევა: რამდენიმე თაყვანისმცემელი კარგია, მთავარია, საკუთარ თავთან გაარკვიოთ, ვინ უფრო მოგწონთ და ვის გამო დათმობთ თავისუფლებას?..

დაწყვილებულებისთვის: დრო ისე გადაანაწილეთ, რომ არც სამსახურის საქმეები დაგიზიანდეთ და საყვარელ ადამიანთანაც შეძლოთ მეტი დროის გატარება. გაინებივრეთ თავი ახალი სამოსით, სამკაულით ან სალონური პროცედურებით.

რჩევა: თვის პირველ ნახევარში მოერიდეთ ჭორებს, უსიამოვნებას საყვარელ ადამიანთან. თვის ბოლოსკენ ყველაფერი დარეგულირდება, დატკბება და დათბება ურთიერთობა.

კირჩხიბი
მარტოხელებისთვის: რამდენიმე რომანტიკული ნაცნობობა გელით. ყურადღება მიაქციეთ მას, ვინც უფრო მეტად ყურადღებიანი და მზრუნველი იქნება თქვენ მიმართ.

რჩევა: ნუ იჩქარებთ გადაწყვეტილების მიღებას. მიმოიხედეთ, შეიძლება ის ადამიანი, ვინც თქვენი საბედოა, უკვე თქვენ გვერდითაა.

დაწყვილებულებისთვის: ნუ გადააქცევთ ურთიერთობას რუტინად. იყავით მეტად რომანტიკული, გაანებივრეთ თქვენი საყვარელი ადამიანი რომანტიკული სიურპრიზებით.

რჩევა: სცადეთ და თავიდან გაიცანით თქვენი საყვარელი მამაკაცი. მოაწყვეთ გახსენებების საღამო. გაისეირნეთ თქვენს საყვარელ ადგილებში.

ლომი
მარტოხელებისთვის: ნუ ჩაიკეტებით ოთხ კედელში: გაიხსენეთ ძველი ჰობი, შეეხმიანეთ, ესტუმრეთ დიდი ხნის უნახავ მეგობრებს. გამოავლინეთ ინიციატივა და გაეცანით მამაკაცს, რომელიც მოგეწონებათ.

რჩევა: ჩაიცვით ლამაზად, სამოსში საინტერესო ფერები შეუხამეთ ერთმანეთს. გამოიყენეთ ყვითელი, ოქროსფერი.

დაწყვილებულებისთვის: ვალენტინობისთვის განსაკუთრებით უნდა მოემზადოთ. რომანტიკული საღამო, სიურპრიზი, საჩუქარი. იყავით რომანტიკული.

რჩევა: ვალენტინობაზე გამორთეთ მობილური და მთელი დღე საყვარელ ადამიანთან ერთად გაატარეთ. უმჯობესია, ქალაქგარეთ განმარტოვდეთ.

ქალწული
მარტოხელებისთვის: ახალი გატაცება გელით, შეიძლება თქვენთვის სასურველ მამაკაცს მიაგნოთ, რომელიც ლიტერატურაშიც ერკვევა და სპორტითაცაა დაკავებული.

რჩევა: ეცადეთ, მოთოკოთ ამბიციები, ყველა იდეალური ვერ იქნება. უმჯობესია, ადამიანს გული არ გაუწყალოთ დაკითხვით, ჭირვეულობით და მეტად გაუღიმოთ.

დაწყვილებულებისთვის: მთელი თვე წინასწარ დაგეგმეთ: რომანტიკული საღამოები, საჩუქრები, სიურპრიზები. გარდა ამისა, იყავით მოსიყვარულე, მზრუნველი. ეს ყველაზე კარგი საჩუქარი იქნება თქვენი საყვარელი მამაკაცისთვის.

რჩევა: საყვარელი ადამიანის მიერ მორთმეული საჩუქრები და რომანტიკული სიურპრიზები სიხარულით მიიღეთ და ნუ გააკრიტიკებთ ყოველ ნაბიჯზე.

სასწორი
მარტოხელებისთვის: მოამზადეთ სამკაული და ლამაზი კაბები. შეხვედრების, მხიარულების, წვეულებების თვეა. მოიმატებს თქვენი მიმზიდველობა გარშემო მყოფების თვალში.

რჩევა: ნუ დაივიწყებთ სელფების გადაღებას და სოციალურ ქსელებში ატვირთვას. საინტერესო თაყვანისმცემელი შეიძლება რეალურადაც გაიცნოთ და ვირტუალურადაც.

დაწყვილებულებისთვის: რომანტიკასა და კამათში გაატარებთ მთელ თვეს. რეტროგრადული მერკური ხშირად გაგახსენებთ ძველ ამბებს, რის გამოც იკამათებთ ხოლმე.

რჩევა: პერიოდულად შეხვდით მეგობრებს, იშოპინგეთ, გაისეირნეთ. განწყობას რომ გაიუმჯობესებთ, ჩხუბისთვის აღარ გეცლებათ.

მორიელი
მარტოხელებისთვის: თუ თქვენს ცხოვრებაში დიდი ხანია არავინ გამოჩენილა, ნუ დარდობთ, თებერვალში საინტერესო შეხვედრები გელოდებათ. მაგრამ პირველ გაცნობილს საეჭვო პაემანზე ნუ დათანხმდებით.

რჩევა: თავისუფალი დრო დაუთმეთ შემოქმედებითი იდეების განხორციელებას.

დაწყვილებულებისთვის: მხოლოდ 14 თებერვალს კი არა, ყოველდღე უნდა იყოთ რომანტიკულ განწყობაზე და მოსიყვარულე საყვარელი ადამიანის მიმართ. სანამ რამეს იტყვით, ჯერ დაფიქრდით.

რჩევა: მოერიდეთ საქმეების გარჩევას. უმჯობესია, დრო ერთად, მხიარულად და საინტერესოდ გაატაროთ.

მშვილდოსანი
მარტოხელებისთვის: ყურადღების ცენტრში აღმოჩნდებით. სიმპათიურ და საინტერესო მამაკაცებს გაიცნობთ და სასიამოვნო კომპლიმენტებსაც მიიღებთ. აი, ნამდვილ რომანს კი გაზაფხულზე გააბამთ.

რჩევა: მიუხედავად იმისა, რომ თებერვლის სასიყვარულო თავგადასავლები ხანმოკლე იქნება, სასიამოვნო მოგონებებს დაგიტოვებთ.

დაწყვილებულებისთვის: თუ საყვარელ ადამიანს ზემოდან არ დაუწყებთ ყურებას, არ გაუწყალებთ გულს რჩევებით, ურთიერთობაში იდილია დაისადგურებს. ნუ გააჩაღებთ კონფლიქტს.

რჩევა: ჩაეხუტეთ ერთმანეთს, გაეხვიეთ თბილ პლედში და უყურეთ რომანტიკულ ფილმებს. აი, 14 თებერვალს კი რომანტიკული საღამო უნდა მოაწყოთ, სიურპრიზებითა და საჩუქრებით.

თხის რქა
მარტოხელებისთვის: გამორიცხული არაა, ყოფილთან მოგიწიოთ შეხვედრამ, ვისთანაც ადრე არ აგეწყოთ ურთიერთობა. ნუ ეცდებით მის ძალით "გაბედნიერებას", არ აჩქარდეთ გადაწყვეტილებების მიღებაში.

რჩევა: ნუ დაკარგავთ დროს წარსულთან შეხვედრაზე. თქვენ გარშემო უამრავი მამაკაცია, ვინც შეიძლება თქვენი აწმყო და მომავალი გახდეს.

დაწყვილებულებისთვის: მეტი დრო უნდა გაატაროთ საყვარელი ადამიანის გვერდით. თებერვალში მიხვდებით, რომ მხოლოდ 14-ში კი არა, მომდევნო 70 წლის განმავლობაში უნდა იყოთ რომანტიკული და მზრუნველი.

რჩევა: რამე საინტერესო საჩუქარი შეურჩიეთ თქვენს საყვარელ მამაკაცს. ისეთი, რომელიც მას გაანებივრებს, მის საქმიანობასთან ან ჰობისთან დაკავშირებით.

მერწყული
მარტოხელებისთვის: მზე თქვენს ნიშანშია. ჩამოწერეთ სამომავლო მიზნები, მოგზაურობა, კარიერა ჰობი, მამაკაცები...

რჩევა: დაიწყეთ თავიდან, თუ გსურთ, საინტერესო მამაკაცი გაიცნოთ. ხშირად დაესწარით მათი შეკრების ადგილებს, ფიტნესკლუბში ჩაეწერეთ; ესტუმრეთ მეგობრებს, რომლებსაც მარტოხელა მეგობრები ჰყავთ.

დაწყვილებულებისთვის: საყვარელი ადამიანი რომანტიკულ თავგადასავალს გიმზადებთ. მოემზადეთ სასიამოვნო დროის გატარებისთვის.

რჩევა: თქვენს წყვილში იდეალური დამოკიდებულებაა. მხიარულება, საჩუქრები და სიურპრიზებიც საკმარისად გაქვთ. შეინარჩუნეთ ასეთი განწყობა მთელი წლის განმავლობაში.

თევზები
მარტოხელებისთვის: მსუბუქ ფლირტზე თანახმა არ ხართ, ზღაპრული ურთიერთობა გსურთ. დაფიქრდით, ჰგავს თქვენი ახალგაცნობილი ზღაპრულ უფლისწულს?

რჩევა: ნუ გადავარდებით ილუზიებში, დააკვირდით რეალურ მოვლენებს, თქვენი მამაკაცის ქცევებს, საქციელს, სიტყვებს - რას ამბობს და რას გისრულებთ.

დაწყვილებულებისთვის: მეტი დრო გაატარეთ ერთად. მოიწყვეთ რომანტიკული უქმეები, გაემგზავრეთ ქალაქგარეთ.

რჩევა: ნუ ელოდებით, რომ საყვარელი მამაკაცი ლექსებს მოგიძღვნით, სერენადებს გიმღერებთ, ვარდის თაიგულებით აგავსებთ. იყავით ბედნიერი იმით, რომ მას გულწრფელად უყვარხართ.

წყარო: marao.ge