პირველ თებერვალს ახალმთვარეობას ველით 09:47-ზე. სწორედ ამ დღეს იწყება აღმოსავლური კალენდრით ახალი წელი და ხარი მმართველობას გადასცემს ვეფხვს. შეძლებისდაგვარად აღნიშნეთ ახალი წლის დადგომა, ჩაიფიქრეთ სურვილები, ჩამოწერეთ სამომავლო მიზნები, რომლებსაც წელს განახორციელებთ. ჩაიცვით ამ დღეს ახალი, ლამაზი სამოსი. სასურველია წითელი და ოქროსფერი. 29 იანვარს სიყვარულისა და სილამაზის პლანეტა ვენერა სწორ სვლაში გადავა. რომანტიკული ნაცნობობის, არსებული სასიყვარულო კავშირების გაუმჯობესების დრო დგება. თუმცა, რადგან ვენერა თხის რქაშია, ადამიანი მეტად მომართული იქნება სასიყვარული კავშირის გასერიოზულებაზე, დაკანონებაზე.


31 იანვარი, მთვარე
მერწყულში გადავა 13:44-ზე. მოგინდებათ, ხალხის მასისგან გამორჩეულად გამოიყურებოდეთ, სამოსში ორიგინალურობის გამოკვეთა. ჩაცმულობაში უპირატესობა მიანიჭეთ ელექტრიკ ფერებს, ფერთა უჩვეულო შეხამებას. კარგ შედეგს მოგიტანთ პიგმენტური ლაქების გათეთრება.
კარგია - რეიკი, სუჯოკ თერაპია, ეპილაცია, პილინგი, იმიჯთან დაკავშირებული ექსპერიმენტები.
ცუდია - პლასტიკური ოპერაციები, აპარატული კოსმეტოლოგია.

2 თებერვალი, მთვარე თევზებში გადაინაცველებს 15:04-ზე. მოგინდებათ დასვენება, სულიერი კომფორტის შეგრძნება, მედიტაცია, შემოქმედებითი იდეების განხორციელება.
კარგია - ორთქლის აბაზანა სახის კანისთვის, წყალმცენარეების კოსმეტიკის გამოყენება, აუზისა და აბანოს პროცედურები.
ცუდია - ნებისმიერი მანიპულაცია ტერფებზე. მომატებულია ალერგიულობა და მგრძნობიარობა არომატებისადმი.

4 თებერვალი, მთვარე ვერძში იქნება 19:02-დან. მოიმატებს მოძრაობის, აქტიურობის, რამის კეთების სურვილი. ამასთანავე, სიფრთხილე გვმართებს და განსაკუთრებით, მჭრელ საგნებთან. მოერიდეთ ტრავმებს. კარგია სპორტი, ცურვა, ნებისმიერი აქტიურობა. გაუფრთხილდით თავს.
კარგია - თმის ნიღბის, თავის მასაჟის გაკეთება, სახისა და კანის სასარგებლო ბალახეულის ყინულით გაწმენდა.
ცუდია - არ გაცივდეთ, არ გაიციოთ თავი, ცხვირ-პირი. მოერიდეთ სახეზე ოპერაციას, სილამაზის ნემსების გაკეთებას, ყურების გახვრეტასა და კბილები გეგმურ მკურნალობას.

წყარო: marao.ge