როდის უნდა შევიჭრათ თმა და ვესტუმროთ კოსმეტოლოგს - 17-23 იანვრის სილამაზის კალენდარი

18 იანვარს სავსემთვარეობას ველოდებით ლომში. დაისვენეთ, არაფერი მნიშვნელოვანი არ მოიმოქმედოთ, ემოციური დღეა და მოერიდეთ დაპირისპირებას გარშემო მყოფებთან. 19 იანვრიდან მთვარე კლებას დაიწყებს და მოიცილეთ დაზიანებული ნივთები. დაიწყეთ დაწყებული საქმეების დასრულება.

17 იანვარი, მთვარე კირჩხიბშია. იმატებს მგრძნობელობა და ემოციურობა. დიასახლისებს საჭმელი გამოსდით განსაკუთრებით გემრიელი. სასარგებლოა პურისა და სხვა ფქვილეულის გამოცხობა. თუმცა არ გადატვირთოთ კუჭი.

კარგია - აბაზანის მიღება, კარგ შედეგს მოგიტანთ დამატენიანებელი კრემების გამოყენება. შეგიძლიათ გაიკეთოთ პირსინგი, ტატუ.
ცუდია - კუჭის გამოკვლევა, ნებისმიერი მანიპულაცია მკერდის და
საშვილოსნოს ზონასთან, ტყუილის თქმა.

18 იანვარი, მთვარე 08:02-ზე ესტუმრება ლომს. მოიმატებს შემოქმედებითი განწყობა, რაიმეს კეთების სურვილი. გავუფრთხილდეთ გულს. არ გადაიღალოთ. მოიმატებს ფლირტის სურვილი. მიირთვით კალციუმით, კალიუმითა და მაგნიუმით მდიდარი პროდუქტები.

კარგია - ზურგის გავარჯიშება, სუნთქვითი ვარჯიშები, თმის შეჭრა, რომ სიგრძეში სწრაფად არ გაიზარდოს, დიდი ხნით შეინარჩუნოს ფორმა.
ცუდია - ყურების გახვრეტა, ორთქლის აბანო, სახის გაწმენდა, მარილიანი პროდუქტების ჭამა.

20 იანვარი, 17:58-ზე მთვარე გადავა ქალწულში. მოიმატებს შრომისუნარიანობა. მეტად გამოიჩენთ ყურადღებას ჯანმრთელობის მიმართ. მოსაფრთხილებელია ნაწლავები. ეცადეთ, სწორად იკვებოთ.

კარგია სახლის, პირადი ნივთების დალაგება, ჯანსაღი საკვების მიღება, დღის რეჟიმის დაცვა, გამწმენდი პროცედურების ჩატარება, პილინგი, ფიტოთერაპია.
ცუდია - მუცლის პლასტიკა, მუცლის ღრუში ქირურგიული ჩარევა, წვრილმანებზე ყურადღების გამახვილება, მუცლის ვარჯიშების შესრულება.

23 იანვარი, 02:02-დან მთვარე სასწორში იქნება. სილამაზისა და ჰარმონიისკენ სწრაფვის სურვილი უჩნდება ყველას. ჩაიტარეთ კოსმეტიკური პროცედურები.
მოუფრთხილდით თირკმელებს. შეამცირეთ ხორცეული და მარილიანი საკვები. მიიღეთ ხილი, დალიეთ მინერალური წყალი და მწვანე ჩაი.

პლუსი - ესტუმრეთ კოსმეტოლოგს. გაიკეთეთ მანიკიური და სახის მკვებავი ნიღბები.
მინუსი - მოერიდეთ გარეგნობის შეცვლის რადიკალურ მეთოდებს.

წყარო: marao.ge
323
2 წლ, 2 თ წინ