პუტინი ისევ იმუქრება და ამბობს, რომ რუსეთი მზადაა მიიღოს სამხედრო-ტექნიკური ზომები, თუ ნატო მის საზღვრებს მიუახლოვდება.

განცხადება მან ქვეყნის თავდაცვის სამინისტროს კოლეგიის გაფართოებულ სხდომაზე განაცხადა.

„თუ ჩვენი დასავლელი კოლეგების აშკარად აგრესიული ხაზი გაგრძელდება, ჩვენ მივიღებთ ადეკვატურ სამხედრო-ტექნიკურ ზომებს და მკაცრ რეაგირებას მოვახდენთ არამეგობრულ ნაბიჯებზე“ - განაცხადა პუტინმა.

მან ხაზგასმით აღნიშნა, რომ რუსეთს აქვს ამის სრული უფლება ქვეყნის უსაფრთხოებისა და სუვერენიტეტისთვის.

ცნობისთვის, რუსეთი ნატოსგან ითხოვს, "უარი ითქვას გადაწყვეტილებაზე, რომ უკრაინა და საქართველო გახდებიან ნატოს წევრები" .