19 დეკემბრიდან სილამაზისა და სიყვარულის პლანეტა ვენერა რეტროგრადული (უკანმავალი) ხდება 6 მარტამდე. ახლა ვენერა კონსერვატიულ და სერიოზულ თხის რქაშია. ამ დღიდან მოერიდეთ პლასტიკური ოპრაციების, სილამაზის ნემსების გაკეთებას. არ დაქორწინდეთ! რეტროგრადულმა ვენერამ შეიძლება მოგიყვანოთ ძველი სიყვარული, ან თავად მოგინდეთ ყოფილთან დაბრუნება. ამავე დღეს, 19-ში სავსემთვარეობას ველოდებით ტყუპში 8:35-ზე. სავსემთვარეობამდე მინუს-პლუს 3 დღე არ დანიშნოთ არაფერი მნიშვნელოვანი, არც სამედიცინო გეგმიური პროცედურები. მოერიდეთ აგრესიას, სიბრაზეს. მოვლენები ისე ვითარდება, რომ ბევრ რამეზე მოგვიწევს დაფიქრება და ბევრი რამის კარდინალურად შეცვლა.
სავსემთვარეობაზე მამაკაცები და ბავშვები განსაკუთრებით ჭირვეულობენ და ამიტომ, სიფრთხილე და წინდახედულება გმართებთ. კვირის განმავლობაში იყავით მომართული საქმეების, ურთიერთობების გაუმჯობესებაზე და პროექტების განვითარებაზე.

13 დეკემბერი, მთვარე ვერძშია - მოიმატებს მოძრაობის, აქტიურობის, რამეს კეთების სურვილი. ამასთანავე, სიფრთხილე გვმართებს და განსაკუთრებით, მჭრელ საგნებთან. მოერიდეთ ტრავმებს. კარგია სპორტი, ცურვა, ნებისმიერი აქტიურობა. გაუფრთხილდით თავს.
კარგია - თმის ნიღაბის, თავის მასაჟის გაკეთება. სახისა და კანის სასარგებლო ბალახეულის ყინულით გაწმენდა.
ცუდია - არ გაცივდეთ, არ გაიცივოთ თავი, ცხვირ-პირი, მოერიდეთ სახეზე ოპერაციას, სილამაზის ნემსების გაკეთებას, ყურების გახვრეტასა და კბილები გეგმიურ მკურნალობას.

14 დეკემბერი, 12:13-ზე მთვარე კუროში გადავა - კარგი დღეა კოსმეტოლოგთან ჩასაწერად. თავისა და სახის კანის კვებისთვის. თმის შეღებვა. გემრიელობის ჭამით გაგიუმჯობესდებათ განწყობა, სასარგებლოა - თევზი და ზღვის პროდუქტები.
კარგია - მკვებავი ნიღბების გაკეთება. წარბების კორექცია, პილინგი, სკრაბი. პარაფინის პროცედურები. თმის შეღებვა.
ცუდია - მოერიდეთ ნებისმიერ მანიპულაციას ტუჩებზე, ყელის გაცივებას ან გადატვირთვას (თუნდაც, ხმამაღალი ლაპარაკით) პროცედურებით არ ჩაერიოთ კისრისა და ყელის ზონებში. არ მიიღოთ ცივი სასმელები და საკვები.

17 დეკემბერი, მთვარე ტყუპშია - კარგია სუფთა ჰაერზე სეირნობა. მოიმატებს ინფორმაციის გაცვლის, ურთიერთობისა და გადაადგილების სურვილი. მოუფრთხილდით ხელებს, ფილტვებს.
კარგია - სუნთქვითი ვარჯიში. მასაჟი, არომათერაპია. შეგიძლიათ გაიკეთოთ პირსინგი, ტატუ.
ცუდია - მანიკიური, ფრჩხილების დაგრძელება. ნებისმიერი მანიპულაცია ხელებთან.

19 დეკემბერი, 13:41-ზე მთვარე კირჩხიბს ესტუმრება - იმატებს მგრძნობელობა და ემოციურობა. დიასახლისებს საჭმელი გამოსდის განსაკუთრებით გემრიელი. სასარგებლოა პურისა და სხვა ფქვილეულის გამოცხობა. არ გადატვირთოთ კუჭი.
კარგია - აბაზანის მიღება, კარგ შედეგს მოგიტანთ დამატენიანებელი კრემების გამოყენება. შეგიძლიათ გაიკეთოთ პირსინგი, ტატუ.
ცუდია - კუჭის გამოკვლევა, ნებისმიერი მანიპულაცია მკერდის და საშვილოსნოს ზონასთან. ტყუილის თქმა.

წყარო: marao.ge