საგანგაშო მაჩვენებლები და დამძიმებისკენ მიდრეკილი ვითარება- ეს არის ერთადერთი შეფასება მიხეილ სააკაშვილის ჯანმრთელობის შესახებ, რაზეც სახალხო დამცველის ეგიდით შექმნილი სამედიცინო კომისიის წევრები საუბრობენ.

ეს უკიდურესად საგანგაშო პროგნოზი გასაიდუმლოებული შეხვედრის დაწყებამდე გაკეთდა, რომელიც უკვე რამდენიმე საათია მიმდინარეობს.

9 ექიმი, რომლებმაც გლდანის ციხეში მესამე პრეზიდენტი გუშინ ღამით მოინახულეს, ამ დრომდე ამზადებს დასკვნას, რომელშიც პრეზიდენტის სამოქალაქო კლინიკაში გადაყვანის აუცილებლობაზე პოზიცია უნდა დააფიქსიროს.

სახალხო დამცველმა ექიმების ექსპერტთა ჯგუფი 16 ნოემბერს შექმნა. სამედიცინო კონსილიუმმა მესამე პრეზიდენტი იმავე საღამოს მოინახულა. შეხვედრის დასრულების შემდეგ, ერთ-ერთმა ექიმმა თქვა, რომ გლდანის მე-18 დაწესებულებაში მიხეილ სააკაშვილის მკურნალობა მიზანშეწონილი არ არის.

შეხვედრის დაწყებამდე კომენტარი ნევროლოგმა თენგიზ წულაძემ გააკეთა.


ავტორი : ზურა პეტროსიანი