ქართული ოცნების" დეპუტატი, გია ვოლსკი ოპოზიციის პროტესტს, შიმშილობასა და აქციებს შანტაჟს უწოდებს და ამბობს, რომ ეს ყველაფერი საქართველოს წინააღმდეგაა მიმართული. ვოლსკი ამტკიცებს, რომ ოპოიციის გეგმა ქვეყანაში დესტაბილიზაცია იყო.

გეგმა არ შეცვლილა. იყო გეგმა, რომ სააკაშვილი ჩამოვიდოდა, არჩევნების დღეს გამოჩნდებოდა, გამოაცხადებდნენ გამარჯვებულად საკუთარ თავსა და შემდეგ დაიწყებოდა დესტაბილიზაციის შეუქცევადი პროცესი. ეს გეგმა არ გამართლდა. ახლა სხვა მეთოდს მიმართეს. ეს არის მუდმივი აქციები და ამას დაემატა შიმშილობა, ვინაიდან ვერც აქციებმა აჩვენა ის შედეგი, რომელსაც მოელოდნენ. შიმშილობა, აქციები, ეს არის ყველაფერი შანტაჟი, რომელიც მიმართულია არა რომელიმე პარტიის ან თუნდაც ხელისუფლების, არამედ საქართველოს წინააღმდეგ,- თქვა გია ვოლსკიმ.