ამ კვირაში მთვარე კლებადია და ეცადეთ, თავადაც გათავისუფლდეთ ყველა იმ უსარგებლო ურთიერთობისგან, საქმისა და პასუხისმგებლობისგან, რაც გაბრკოლებთ, წინსვლაში გიშლით ხელს. დაალაგეთ სახლი, პირადი ნივთები. მზე მორიელშია, მეტი დრო დაუთმეთ აღმოსავლურ პრაქტიკებს (იოგა, თაი ძი), ფსიქოლოგიას, ეზოტერიკას.

25 ოქტომბერი, მთვარე ტყუპშია. კარგია სუფთა ჰაერზე სეირნობა. მოიმატებს ინფორმაციის გაცვლის, ურთიერთობისა და გადაადგილების სურვილი. მოუფრთხილდით ხელებს, ფილტვებს.
კარგია - სუნთქვითი ვარჯიში. მასაჟი, არომათერაპია.
ცუდია - მანიკიური, ფრჩხილების დაგრძელება. ნებისმიერი მანიპულაცია ხელებთან.

26 ოქტომბერი, მთვარე კირხიბშია. იმატებს მგრძნობელობა და
ემოციურობა. დიასახლისებს საჭმელი გამოსდის განსაკუთრებით გემრიელი. სასარგებლოა პურისა და სხვა ფქვილეულის გამოცხობა. თუმცა, არ გადატვირთოთ კუჭი.
კარგია - აბაზანის მიღება, კარგ შედეგს მოგიტანთ დამატენიანებელი კრემების გამოყენება.
ცუდია - ნებისმიერი მანიპულაცია მკერდის და საშვილოსნოს ზონასთან. ტყუილის თქმა.

28 ოქტომბერი, მთვარე 12-03-დან ლომშია. მოიმატებს შემოქმედებითი განწყობა, რაიმეს კეთების სურვილი. გავუფრთხილდეთ გულს. არ გადაიღალოთ. მოიმატებს ფლირტის სურვილი. მიირთვით კალციუმით, კალიუმითა და მაგნიუმით მდიდარი პროდუქტები.
კარგია - ზურგის გავარჯიშება, სუნთქვითი ვარჯიშები.
ცუდია - ყურების გახვრეტა, ორთქლის აბანო, სახის გაწმენდა. მარილიანი პროდუქების ჭამა.

30 ოქტომბერი, მთვარე 22:05-ზე გადავა ქალწულში და დარჩება კვირის ბოლომდე. მოიმატებს შრომისუნარიანობა. მეტად გამოიჩენთ ყურადღებას ჯანმრთელობის მიმართ. მოსაფრთხილებლია ნაწლავები. ეცადეთ, სწორად იკვებოთ.
კარგია - სახლის, პირადი ნივთების დალაგება. ჯანსაღი საკვების მიღება. დღის რეჟიმის დაცვა, გამწმენდი პროცედურების ჩატარება (პილინგი), ფიტოთერაპია.

ცუდია - მუცლის პლასტიკა, მუცლის ღრუში ქირურგიული ჩარევა. წვრილმანებზე ყურადღების გამახვილება. მუცლის ვარჯიშების შესრულება.

წყარო: marao.ge