5 დაღუპული და 2 დაშავებული - მშვილდისრებით შეიარაღებული 37 წლის მამაკაცი მოქალაქეებს ნორვეგიაში დაესხა თავს. შემთხვევა ქალაქ კონგსბერგის ერთ-ერთ სუპერმარკეტში მოხდა. პოლიციამ თავდამსხმელი დააკავა.

გავრცელებული ინფორმაციით, ის დანიის მოქალაქეა და მარტო მოქმედებდა. უცნობია გამოიყენა თუ არა მან სხვა იარაღი. დაშავებულებს შორის ერთ-ერთი პოლიციელია.

სამართალდამცავმა უწყებამ მეტი სიფრთხილისთვის პოლიციელებისთვის ქვეყნის მასშტაბით ცეცხლსასროლი იარაღის ტარების ბრძანება გასცა. ამ ეტაპზე პოლიცია იძიებს იყო თუ არა თავდასხმა ტერორისტული აქტი.