36 წლის ინგა მეკეიძე ნანგრევებში შვილებთან ერთად მოყვა, არასრულწლოვნების ცხედრები ნანგრევებში ღამით იპოვეს. რეფერალურ ჰოსპიტალში კი, 10:35 წუთზე ახალგაზრდა ქალის ბიოლოგიური გარდაცვალება დაფიქსირდა. მას სულ 3 შვილი ჰყავდა, გადარჩა მხოლოდ ერთი, რომელიც შემთხვევის დროს მამას სკოლაში ჰყავდა წაყვანილი.

მას შინაგანი ორგანოების მძიმე დაჟეჟილობა და სისხლდენა აღენიშნებოდა, მას გული კლინიკაში მიყვანამდე რამდენჯერმე გაუჩერდა.

ბათუმში, 26 მაისის ქუჩაზე, 7 სართულიანი შენობა გუშინ დღის 12 საათზე ჩამოინგრა. კორპუსი 3 სადარბაზოსგან შედგებოდა, ჩამონგრეულია 1 სადარბაზო. აღნიშნულ კორპუსში 12 ოჯახი ცხოვრობდა.

მაშველები ნანგრევებში მოყოლილ მოქალაქეებს სხვადასხვა ტექნიკით ამ დრომდე ეძებენ.

ტრაგედიას ამ დროის მონაცემებით, 6 ადამიანის სიცოცხლე ემსხვერპლა, მათ შორის 2 არასწრულწლოვანია.