„ქართული ოცნების“ თავმჯდომარე ირაკლი კობახიძე წინასაარჩევნო გარემოს აფასებს. მისი განცხადებით, ბოლო დროს მომხდარი დაპირისპირებები „ნაციონალური მოძრაობის“ დაგეგმილი პროვოკაციაა. კობახიძე ამბობს, რომ მსგავსი დაძაბულობა წინასაარჩევნოდ მხოლოდ ამ პარტიის ინტერესებშია. მმართველი პარტიის თავმჯდომარემ ეს განცხადებები რეგიონული შტატების შეხვედრაზე გააკეთა. დღეს ირაკლი კობახიძე გორისა და მცხეთის საარჩევნო შტატების წარმომადგენლებს შეხვდა.