ნათია თურნავას თქმით, გაერთიანებული საამიროების საინვესტიციო ფონდები საქართველოს ენერგეტიკის, ლოჯისტიკისა და ტურიზმის სფეროებში ჩართვის მზადყოფნას გამოთქვამენ.

"პოსტკოვიდ პერიოდში ეკონომიკის აღდგენისთვის ჩვენთვის ძალიან მნიშვნელოვანია პირდაპირი უცხოური ინვესტიციები. სწორედ ამიტომ ჩვენ ვესტუმრეთ არაბთა გაერთიანებულ საამიროებს. ეს ქვეყანა არის ჩვენი ტრადიციული ინვესტორ-პარტნიორი. ამ წლების მანძილზე მილიარდ ას მილიონზე მეტი უკვე ჩადებული აქვთ აქედან წამოსულ ინვესტორებს საქართველოში, მაგრამ ახლა არის შესაძლებლობა გაცილებით უფრო მეტად გავაფართოვოთ გაერთიანებული საამიროების ინვესტორების პროექტები, მათი ინვესტიციები საქართველოში," - განცხადა ეკონომიკის მინისტრმა ნათია თურნავამ.