კვირის მნიშვნელოვანი მოვლენებიდან აღსანიშნავია სავსემთვარეობა, რომელსაც 21 სექტემბერს გამთენიისას ველოდებით. ამ დღეს და წინა დღესაც იყავით ფრთხილად, სიტყვით, ქცევით, საქმით. დააკვირდით მოვლენებს და ობიექტური დასკვნები გამოიტანეთ. 22-დან მთვარე კლებადი იქნება და დაიწყეთ დაზიანებული, უსარგებლო ნივთებისგან, ურთიერთობებისგან გათავისუფლება. აგრეთვე, ჩაიტარეთ პროცედურები, რაც მოშორებასთანაა დაკავშირებული. 27 სექტემბრიდან მერკური (კომუნიკაციები, კავშირები) უკანმავალი იქნება და არ დაგეგმოთ გეგმიური ოპერაციები. თუმცა, მომდევნო კვირას მერკურის რეტროგრადულობაზე დაწვრილებით მოგწერთ.

20 სექტემბერი, მთვარე თევზებშია. მოგინდებათ დასვენება, სულიერი კომფორტის შეგრძნება, მედიტაცია.
კარგია - ორთქლის
აბაზანა სახის კანისთვის. აუზისა და აბანოს პროცედურები.
ცუდია - ნებისმიერი მანიპულაცია ტერფებზე. მომატებულია ალერგიულობა და მგრძნობიარობა არომატებისადმი.

21 სექტემბერი, მთვარე 07:14-ზე გადავა ვერძში. მოიმატებს მოძრაობის, აქტიურობის, რამეს კეთების სურვილი. ამასთანავე, სიფრთხილე გვმართებს და განსაკუთრებით, მჭრელ საგნებთან. მოერიდეთ ტრავმებს. კარგია სპორტი, ცურვა, ნებისმიერი აქტიურობა. გაუფრთხილდით თავს. ამასთან, ნუ დაგავიწყდება, რომ სავსემთვარეობის დღეებია.
კარგია - თავის მასაჟის გაკეთება.
ცუდია - არ გაცივდეთ, არ გაიცივოთ თავი, ცხვირ-პირი, მოერიდეთ სახეზე ოპერაციას, სილამაზის ნემსების გაკეთებას, ყურების გახვრეტასა და კბილები გეგმიურ მკურნალობას.

23 სექტემბერი, მთვარე 16:41-ზე კუროს ესტუმრება. კარგი დღეა კოსმეტოლოგთან ჩასაწერად. თმის შეღებვა. გემრიელობის ჭამით გაგიუმჯობესდებათ განწყობა, სასარგებლოა - თევზი და ზღვის პროდუქტები.
კარგია - მკვებავი ნიღბების გაკეთება. წარბების კორექცია, პილინგი, სკრაბი. პარაფინის პროცედურები. თმის შეღებვა.
ცუდია - მოერიდეთ ნებისმიერ მანიპულაციას ტუჩებზე, ყელის გაცივებას ან გადატვირთვას (თუნდაც, ხმამაღალი ლაპარაკით) პროცედურებით არ ჩაერიოთ კისრისა და ყელის ზონებში. არ მიიღოთ ცივი სასმელები და საკვები.

26 სექტემბერი, 21:07-დან მთვარე ტყუპში იქნება. კარგია სუფთა ჰაერზე სეირნობა. მოიმატებს ინფორმაციის გაცვლის, ურთიერთობისა და გადაადგილების სურვილი. მოუფრთხილდით ხელებს, ფილტვებს.
კარგია - სუნთქვითი ვარჯიში. მასაჟი, არომათერაპია.
ცუდია - მანიკიური, ფრჩხილების დაგრძელება. ნებისმიერი მანიპულაცია ხელებთან.

წყარო: marao.ge