მთვარე მზარდია, დაიწყეთ ახალი საქმეები, განახორციელეთ შემოქმედებითი იდეები. გაინებივრეთ თმა, კანი და ფრჩილები მკვებავი და სამკურნალო ნიღბებით. კარგი პერიოდია თმისა და ფრჩხილების დასაგრძელებლად. ურთიერთობაში მოიმატებს რომანტიკა, უთხარით საყვარელ ადამიანს საკუთარი გრძნობების შესახებ. ამასთან, ეცადეთ, არავინ მოგატყუოთ, არ გაეხვიოთ სასიყვარულო ავანტიურაში. მოიმატებს ურთიერთობის, მიმოწერის, გადაადგილების სურვილი.

9 აგვისტო, 18:55-მდე მთვარე ლომშია, მერე გადაინაცვლებს ქალწულში.

მთვარე ლომში - არტისტული მთვარე. მოიმატებს შემოქმედებითი განწყობა, რაიმეს კეთების სურვილი. გავუფრთხილდეთ გულს. არ გადაიღალოთ. მოიმატებს ფლირტის სურვილი. ვუფრთხილდებით გულს. მიირთვით კალციუმით,
კალიუმითა და მაგნიუმით მდიდარი პროდუქტები.

კარგია - ზურგის გავარჯიშება, სუნთქვითი ვარჯიშები. ფუტკრის ნაწარმზე დამზადებული კრემების გამოყენება (თუ ალერგია არ გაქვთ). თმის შეჭრა, რომ მოცულობასა და სიგრძეში სწრაფად გაიზარდოს.
ცუდია - ყურების გახვრეტა, ორთქლის აბანო, სახის გაწმენდა. მარილიანი პროდუქების ჭამა.

მთვარე ქალწულში - პედანტური მთვარე. მოიმატებს შრომისუნარიანობა. მეტად გამოიჩენთ ყურადღებას ჯანმრთელობის მიმართ. მოსაფრთხილებლია ნაწლავები. ეცადეთ, სწორად იკვებოთ. კარგია სახლის, პირადი ნივთების დალაგება. ჯანსაღი საკვების მიღება. დღის რეჟიმის დაცვა, გამწმენდი პროცედურების ჩატარება, პილინგი, ფიტოთერაპია.

ცუდია - მუცლის პლასტიკა, მუცლის ღრუში ქირურგიული ჩარევა. წვრილმანებზე ყურადღების გამახვილება. მუცლის ვარჯიშების შესრულება.
12 აგვისტო, მთვარე სასწორშია. ესთეტიკური მთვარე. ქალს სილამაზისა და ჰარმონიისკენ სწრაფვის სურვილი უჩნდება. ჩაიტარეთ კოსმეტიკური პროცედურები. მოუფრთხილდით თირკმლებს. შეამცირეთ ხორცეული და მარილიანი საკვები. მიიღეთ ხილი, დალიეთ მინერალური წყალი და მწვანე ჩაი.

პლუსი - ესტუმრეთ კოსმეტოლოგს. გაიკეთეთ მანიკიური და სახის მკვებავი ნიღბები.
მინუსი - მოერიდეთ გარეგნობის შეცვლის რადიკალურ მეთოდებს.

14 აგვისტო, მთვარე მორიელშია და დარჩება კვირის ბოლომდე. ემოციური მთვარე. გამძაფრებულია ემოციები და გრძნობები. მოერიდეთ რისხვის, ეჭვიანობის გამოვლენას. კარგია მედიტაცია, ლოცვა, ენერგეტიკული პრაქტიკები.
პლუსი - კონტრასტული შხაპი, სულიერი პრაქტიკები, კანის გაახალგაზრდავება, მეზოთერაპიის სეანსი.
მინუსი - არ ჩაერიოთ ენდოკრინული სისტემის მუშაობაში. აგრეთვე, საშარდე ბუშტის სისტემაში. არ ესტუმროთ გინეკოლოგს.

წყარო: marao.ge